රටක සම්පත්වල අයිතිවාසිකම තමන් සතු කර ගන්නා තෙක් චීනය ඒකාධිපතියන්ට සහ මිනීමරුවන්ට මුදල් ලබා දෙන බවට ජර්මානු නාවික හමුදා ප්‍රධානි වයිස් අද්මිරාල් කේ-අචිම් ෂොන්බැක් මහතා පවසනවා.
ඒ, සිය ඉන්දියානු සංචාරය අතරතුර ආරක්ෂක සමුළුවකට සහභාගී වෙමින්.
“රුසියාවට යුක්‍රේනය ආක්‍රමණය කිරීමට අවශ්‍ය වීම විකාර රූපී අදහසක්” බවයි මෙම සමුළුව අතරතුර යුක්‍රේනය සම්බන්ධයෙන් ද ඔහු ආන්දෝලනාත්මක ප්‍රකාශයක් සිදු කරමින් කියා සිටියේ.
රුසියානු ජනාධිපති ව්ලැදිමීර් පුටින්ට ගෞරවය පමණක් අවශ්‍ය වී ඇති බවත්, ඔහුට එම ගෞරවය ලැබීම පහසු කටයුත්තක් බවත් ජර්මානු නාවික හමුදා ප්‍රධානියා පවසනවා.
එමෙන්ම, චීනයට එරෙහිව රුසියාවේ නැඟී සිටීම රටවල් රැසක අපේක්ෂාව වී බවයි ඔහු වැඩිදුරටත් අවධාරණය කර සිටින්නේ .
නාවික හමුදා ප්‍රධානියාගේ මෙම දැඩි ප්‍රකාශයන් ජර්මනිය තුළ දැඩි මතභේදයට තුඩු දුන් කාරණා බවට පත්වූ අතර මෙම ප්‍රකාශ හේතුවෙන් ජර්මානු නාවික හමුදා ප්‍රධානි වයිස් අද්මිරාල් කේ-අචිම් ෂොන්බැක්ට ධූරයෙන් ඉල්ලා අස්වීමට සිදුව ඇති බවයි විදෙස් මාධ්‍ය වාර්තා කරන්නේ.
