පළුදු වූ චීන-ජපන් සබඳතා මධ්යයේ, රුසියානු නාවික හමුදාව සමඟ ජපාන මුහුදේ ඒකාබද්ධ නාවික අභ්යාසවලට සහභාගී වීමට චීනය සිය විශාලතම යුධ නෞකාව විසින් මෙහෙයවන නැව් සමූහයක් යවා ඇති බව වාර්තා වේ.
චීන නාවික හමුදාව සෙනසුරාදා රුසියානු නාවික හමුදාව සමඟ ගුවන් ආරක්ෂක සජීවී ගිනි අභ්යාස පැවැත්වීම සඳහා 055 වර්ගයේ විනාශකාරී නෞකාවක් වන නන්චන්ග්, Type 054A ෆ්රිගේට් යන්චේන්ග් සහ Type 903 ඩොන්පින්ග්යු සැපයුම් නෞකාව යවා ඇති බව සදහන් වේ.
ඉරිදා, ජපාන අගමැති ෆුමියෝ කිෂිඩා කියා සිටියේ, චීන-ජපන් රාජ්ය තාන්ත්රික සබඳතා සාමාන්යකරණය කිරීමේ 50 වැනි සංවත්සරය සැමරීම සඳහා සැප්තැම්බර් 29 වන දින උත්සවයකට සහභාගී විය යුතුද යන්න පිළිබඳව තමා තවමත් සලකා බලන බවයි.
ජපාන මුහුදේ නාවික අභ්යාසය රුසියාව විසින් සංවිධානය කරන ලද වොස්ටොක් 2022 යුද අභ්යාසවල කොටසක් වන අතර එය බදාදා දක්වා පවතිනු ඇත.
චීන මහජන විමුක්ති හමුදාව (PLA) උතුරු විධානය යටතේ හමුදා, නාවික සහ ගුවන් හමුදා භටයින් 2,000 කට වඩා යවන ලද අතර නෞකාවලට අමතරව හමුදා වාහන 300කට අධික සංඛ්යාවක් සහ ගුවන් යානා සහ හෙලිකොප්ටර් යානා 21ක් සතියක් පුරා පැවැත්වෙන මෙම අභ්යාසයට සහභාගි වනු ඇති බව පැවසේ.