චීනය විසින් ක්රියාත්මක කර ඇති ශුන්ය කෝවිඩ් ප්රතිපත්තිය හෙවත් Zero Covid ප්රතිපත්තිය හේතුවෙන් ෂැංහයි නගරයේ දැඩි නොසන්සුන්තාවයක් පවතින බව වාර්තා වේ
මේ වන විට නගරය අගුළු දමා දින 16 ක් පමණ ගතවී ඇති අතර මේ හේතුවෙන් විදේශිකයන්ද ඇතුළුව නගරයේ වෙසෙන මිලියන 26 ක පමණ ජනතාව දැඩි අසීරැතාවයකට ලක්ව ඇති බව පැවසේ.
දැඩි සීමා කිරීමේ ප්රතිපත්තිවලට එරෙහිව ෂැංහයි ජනතාව විවිධාකාරයෙන් විරෝධතා දක්වමින් ඇති බවත් ඒ සම්බන්ධ වීඩියෝ චීනයේ සමාජ මාධ්යවල ද සැරිසරන බවත් විදෙස් වාර්තා පවසයි.
මේ අතර චීන විදේශ අමාත්යංශයේ මාධ්ය ප්රකාශක සාඕ ලිජීයෑන් සදහන් කර ඇත්තේ තම රට දැඩි සීමාකිරීම් සහිත කෝවිඩ් ශුන්ය ප්රතිපත්තිය ක්රියාත්මක කරන්නේ තම ජනතාවගේ සහ චීනය තුළ වෙසෙන විදේශිකයන්ගේ ආරක්ෂාව වෙනුවෙන් බවයි.
එම ප්රතිපත්තිය අඛණ්ඩව ක්රියාත්මක කරන බවට ද ඔහු වැඩිදුරටත් අවධාරණය කර තිබේ.