අමෙරිකාවට අයත් LNG හෙවත් ද්‍රවීකෘත ස්වභාවික වායු ගබඩා කර තබා ගැනීමට චීනය සූදානම් වන බව Reuters වාර්තා කරනවා.
ඉහළ යන ගෑස් මිල සහ ගෘහස්ත බලශක්ති හිඟය හේතුවෙන් චීනයේ ඉන්ධන සුරක්ෂිතතාවය පිළිබඳව අවධානයද වැඩි වන හෙයින්, ද්‍රව ස්වාභාවික ගෑස් (එල්එන්ජී) සැපයුම් දිගු කාලීනව ලබා ගැනීම සඳහා චීනයේ ප්‍රධාන බලශක්ති සමාගම් විසින් එක්සත් ජනපද අපනයනකරුවන් සමඟ සාකච්ඡා කරමින් සිටින බව ආරංචි මාර්ග කිහිපයක් පවසන බවයි ඔවුන් පවසන්නේ.
ඉදිරි වසර කිහිපය තුළ එක්සත් ජනපදයෙන් චීනයට ඉහළ එල්එන්ජී ආනයනයක් සනිටුහන් කරමින් ඩොලර් බිලියන ගණනක් වටිනා ගනුදෙනු සඳහා මෙම සාකච්ඡා හේතු විය හැකි බවයි පැවසෙන්නේ.
2019 දී චීන-එක්සත් ජනපද වෙලඳ යුද්ධයේ උච්චතම අවස්ථාව වන විට දෙරටේ ගෑස් වෙළඳාම තාවකාලිකව ඇණහිටියේය.
මේ වසරේදී ආසියානු කලාපීය රටවල ස්වභාවික ගෑස් මිල, පැවති අගයට වඩා පස් ගුණයකින් පමණ ඉහළ ගොස් ඇති බව ද විදෙස් වාර්තා පෙන්වා දෙයි.
මෑත කාලීන වෙළඳපල අස්ථාවරත්වය හේතුවෙන් ප්‍රමාණවත් තරම් දිගු කාලීන සැපයුම් සඳහා ගිවිසුම් අත්සන් නොකළ නිසා සමහර ගැනුම්කරුවන් පසු තැවුණු බව බීජිං පදනම් කරගත් තවත් මූලාශ්‍රයක් පැවසූ බව රොයිටර් පුවත් සේවය වාර්තා කරනවා.
