නැගී එන, නොබැඳි දකුණු ආසියානු රාජ්‍යයක් වන බංග්ලාදේශයට චීනය සිදුකරමින් සිටින බලපෑම් සම්බන්ධයෙන් එක්සත් ජනපදය කනස්සල්ල පළකර ඇත.
මෑතකාලීනව බංග්ලාදේශයේ උද්ගතව ඇති දේශපාලන ආතතිමය තත්වයන් හේතුවෙන්, චීනයට බංග්ලාදේශය වෙත සමීප වීමට අවස්ථාවක් නිර්මාණයවී ඇතැයි එක්සත් ජනපදය කනස්සල්ලට පත්ව සිටී.
අලුතින් පත් කරන ලද චීන විදේශ අමාත්‍ය කින් ගෑන් අප්‍රිකානු සංචාරයක් අතරතුර බංග්ලාදේශයේ අගනුවර වන ඩකා හි ගුවන් තොටුපළ වෙත පැමිණීම ප්‍රබල රාජ්‍ය තාන්ත්‍රික අභියෝගයක් වූ බව එක්සත් ජනපදය සළකා ඇත.
අමාත්‍යවරයා ඩකා හි සිය පළමු නැවතුමේදී වැදගත් විදේශ ප්‍රතිපත්තිමය කරුණු පිළිබඳව සාකච්ඡා කර ඇතැයි වාර්තා අනාවරණය කරයි.
චීන අමාත්‍යවරයාගේ මෙම ගමන, එක්සත් ජනපද ජාතික ආරක්ෂක කවුන්සිලයේ දකුණු ආසියාව සඳහා වන ජ්‍යෙෂ්ඨ අධ්‍යක්ෂ, රියර් ඇඩ්ම් අයිලීන් ලෝබාචර්ගේ සංචාරයට සමගාමීව සිදු විය.
