රටින් බැහැරව සිටින උයිගුර් සුලුතර ක්‍රියාකාරිකයන්ගේ ඥාතීන්ට එරෙහි මර්දනකාරී වැඩපිලිවෙලක් චීනය විසින් ආරම්භ කර ඇති බවට ඇමරිකාව චෝදනා කරයි.
අන්තර් ජාතික ආගමික නිදහස පිළිබද ඇමරිකානු එක්සත් ජනපද කොමිසම සදහන් කර ඇත්තේ මෑතකදී චීනය විසින් ඇමරිකානු උයිගුර් ක්‍රියාකාරිකයකු වන රැෂාන් අබ්බාස්ගේ සහෝදරිය වන ගුල්ෂාන් අබ්බාස්ට විසි වසරක සිර දඩුවමක් නියම කර ඇති බවයි.
චීනය විසින් පසුගිය කාලසීමාව පුරා මෙවැනි මර්දනකාරී ක්‍රියාවන් සිදුකර ඇති බවත් මේ හේතුවෙන් රටින් බැහැරව වෙසෙන උයිගුර් ජාතිකයන් මෙන්ම ප්‍රධාන වශයෙන් චීනයේ ෂින්ජියෑන්ග් කලාපයේ වෙසෙන ඔවුන්ගේ ඥාතීන් දැඩි බියකින් පසුවන බවත් අදාළ කොමිසම පෙන්වා දී තිබේ.
අදාළ ඥාතීන්ට ත්‍රස්තවාදී චෝදනා ඇතුලු විවිධ බරපතල චෝදනා නැගීමට චීන බලධාරීන් විසින් කටයුතු කර ඇති අතර දැනටමත් පුද්ගලයන් සිය ගණනක් මෙලෙස අත්අඩංගුවට ගෙන රදවාගෙන ඇති බව සදහන් වේ.
