නිසි ක්රියා පටිපාටියකින් තොරව ක්රියාකාරීන් සිරගත කිරීම සඳහා චීනය මනෝචිකිත්සක රෝහල් භාවිතා කිරීම සාමාන්ය දෙයක් බව මානව හිමිකම් සංවිධාන පවසයි.
විරුද්ධවාදීන්ට දඬුවම් කිරීමේදී වෛද්යවරුන් සහ සෞඛ්ය සේවා පද්ධතිය බලධාරීන් සමඟ හවුල් වන බව ද එම සංවිධානය චෝදනා කර සිටී.
දේශපාලන සිරකරුවන්ට දඬුවම් කිරීම සඳහා චීන බලධාරීන් විසින් දශක ගණනාවක් පුරාවට රටේ පිහිටි මනෝචිකිත්සක රෝහල් පද්ධතිය භාවිතා කරනු ලබයි.
මැඩ්රිඩ් පදනම් කරගත් රාජ්ය නොවන සංවිධානයක් වන Safeguard Defenders විසින් අඟහරුවාදා නිකුත් කරන ලද වාර්තාවේ සඳහන් කර තිබුණේ, 2010 දශකයේ මුල් භාගයේ සිදුකරන ලද වෙනස්කම් මැද වුවද චීනයේ මනෝචිකිත්සක සත්කාර පද්ධතිය පිළිබඳ එරට අධිකරණය වැඩි අවධානයක් යොමු කළ යුතුව ඇති බවයි.
2015 සහ 2021 අතර දේශපාලන හේතූන් මත බලහත්කාරයෙන් මනෝචිකිත්සක රෝහල් ගත කිරීමට චීන ජාතිකයින් 99 දෙනෙකුගේ සිද්ධීන් සම්බන්ධයෙන් වූ තොරතුරු මෙම සංවිධාන වෙත ලැබී තිබු බවයි වාර්තා වන්නේ.