දිගින් දිගටම තම ගුවන් සීමාව උල්ලංඝනය කළහොත් මිසයිල් රේඩාර් ආරක්ෂණ පද්ධති ක්‍රියාත්මක කිරීමට සිදුවනු ඇති බවට තායිවානය චීනයට අනතුරු අගවා තිබේ.
ටිවිටර් පණිවිඩයක් සහ තායිවාන රාජ්‍ය ගුවන් විදුලිය හරහා නිවෙිදනයක් නිකුත් කරමින් මෙම අනතුරු ඇඟවීම සිදුකර ඇති බව විදෙස් මාධ්‍ය වාර්තා කරයි.
ඒ අනුව මේ වනවිට ජූලි මාසයේද එක් වරක් චීන ප්‍රහාරක ගුවන් යානා තායිවාන ගුවන් සීමාව ආක්‍රමණය කර ඇති අතර පිළිවෙළින් ජූනි,මැයි සහ අප්‍රේල් මාසවල 10,18 සහ 22 වතාව බැගින් එය සිදුව තිබේ.
තායිවානයේ මෙම ප්‍රකාශයට චීනය තවමත් ප්‍රතිචාර දක්වා නැතත් පසුගියදා පැවති චීන කොමියුනිස්ට් පක්ෂ සියවන සංවත්සරයේදී ජනාධිපති ෂී ජින් පිං සදහන් කළේ තායිවානය චීනයේ කොටසක් බවයි.
