පැසිෆික් රිම් හෙවත් පැසිෆික් සාගර වළලු වෙළෙද සංවිධානය වෙත එක්වීමට තායිවානය විසින් ඉදිරිපත් කර ඇති අයදුම්පත අවහිර කරන බව චීනය ප්‍රකාශ කර තිබේ.
චීන කැබිනට් මණ්ඩලයේ තායිවාන කටයුතු පිළිබද කාර්යාලය සදහන් කළේ තායිවානය එක් චීනයක් ප්‍රතිපත්තියට පිළිගෙන චීනයේ කොටසක් බව පිළිගැනීම ප්‍රතික්ෂේප කිරීම හේතුවෙන් මෙම තීරණය ගන්නා බවයි.
වෙනම රාජ්‍ය නියෝජනයක් ලෙස නිල තත්වය සහිතව තායිවානය විසින් අත්සන් තබනු ලබන ඕනෑම වෙළෙද කර්තව්‍යකට චීනය විරැද්ධ බව චීන කැබිනට් මණ්ඩලයේ තායිවාන කටයුතු පිළිබද කාර්යාලයේ ප්‍රකාශක ෂූ පෙන්ග්ලියෑන් පවසයි.
චීනය දිගින් දිගටම තායිවානය තම රටේ කොටසක් බව අවධාරණය කරන අතර අවශ්‍ය වුවහොත් බලය භාවිතා කරමින් තායිවානය තම පාලනය යටතට ගන්නා බවට ද අනතුරු අඟවා තිබේ.
