පකිස්තානයතුළ සිය හමුදා මුරපලවල් ස්ථාපිත කිරීමට චිනයට අවශ්යව ඇතැයි පකිස්තානයේ ප්රභල ඉහළ පෙළේ නිලධාරියෙකු උපුටා දක්වමින් විදෙස් මාධ්ය අනාවරණ කරයි.
පකිස්තානය සහ ඇෆ්ගනිස්තානය තුළ පවතින සිය ආයෝජන ආරක්ෂා කර ගැනීම චීනයේ අපේක්ෂාව බව ද විදෙස් මාධ්ය පෙන්වා දෙයි.
බලාපොරොත්තු රැසක් ද සමගින් ආරම්භ කළ BRI ව්යාපෘතිය යටතේ චීනය විසින් පකිස්තානය තුළ ආයෝජන රැසක් සිදුකර තිබේ.
එමෙන්ම චීනය මධ්යම ආසියාව තුළ සිය මැදිහත්වීම් පුළුල් කර ඇත්තේ පකිස්තානය සහ ඇෆ්ගනිස්තානයේ ආයෝජනයන්ට මුවාවී බවයි විදෙස් මාධ්ය අනාවරණ කළේ.
නිල නොවන වාර්තාවනට අනුව පකිස්තානය තුළ පමණක් චීනය සිදුකර ඇති අයෝජනවල වටිනාකම අමෙරිකානු ඩොලර් බිලියන 60 ඉක්මවා තිබේ.
චීනය පකිස්තානයට සහයෝගය ලබාදෙන්නේ මූල්යමය වශයෙන්ම පමණක් නොව හමුදාමය සහ රාජ්ය තාන්ත්රික වශයෙන් ද චිනය පකිස්තානයට සහය දක්වන බවට සාක්ෂි ඇත.
එම සහයෝගයන්ගෙන් වාසි ලබාගැනීමක් වශයෙන් ඇතිවිය හැකි බල අසමතුලිතතාවයන්ද නොතකා සිය හමුදා මුරපලවල් ස්ථාපිත කිරීම සඳහා චීනය මේවනවිටත් පකිස්තානයට පීඩනයන් එල්ල කරමින් සිටින බව විදෙස් මාධ්ය පවසයි.
එමෙන්ම පකිස්තානයතුළ සිය හමුදා බලය පතුරවා ලීම සඳහා චීනය ඉත්තෙකු ලෙස භාවිත කරමින් ඇත්තේ ඊඍෂ ව්යාපෘතිය බව ද විදෙස් මාධ්ය අනාවරණ කර ඇත.
එලෙස හමුදා මුරපලවල් ස්ථාපිත කිරීම සම්බන්ධයෙන් පකිස්තානයේ චීන තානාපති නොන් රොන් මේවනවිටත් පකිස්තානයේ අග්රාමාත්ය ෂෙබාස් ෂරීෆ්, විදේශ කටයුතු අමාත්ය බිලාවල් බූතෝ සහ හමුදා ප්රධානී ජනරාල් කමාර් බජ්වා සමග සාකච්ඡා පවත්වා ඇති බව ද විදෙස් මාධ්ය අනාවරණ කරයි.
එහිදී චීනයේ එක් ඉල්ලීමක් වී ඇත්තේ ගුවේඩා වරාය නගරය තුළ සිය හමුදා මුරපලක් ස්ථාපිත කිරීම හා සිය ප්රහාරක ජෙට් යානා සඳහා ගුවේඩා ජාත්යන්තර ගුවන් තොටුපළ භාවිත කිරීමට අවස්ථාව ලබාදෙන ලෙසයි.
අසීමිතව ණය ලබාදී පකිස්තානය ණය උගුලක සිරකිරීමට චීනය උත්සහ දරා ඇත්තේ මෙවැනි අපේක්ෂාවන් හේතුවෙන් බව විචාරකයින් පවසයි.