මියන්මාරයේ අභ්යන්තර කටයුතු සදහා මැදිහත්වීමට බටහිර රටවල් උත්සහ දරමින් සිටින බවත් ඒ පිලිබද අවධානයෙන් පසුවන ලෙසත් චීනය ආසියාන් සංවිධානයේ රටවලට අවධාරණය කොට තිබේ.
චීන විදේශ අමාත්ය වැන්ග් යූයි සදහන් කර ඇත්තේ බටහිර රටවල් මියන්මාරයේ ප්රශ්න සහ බෙදීම් ඇති කිරීමට උත්සහ කරමින් සිටින බවයි.
කෙසේවෙතත් විදෙස් මාධ්ය වාර්තා කරන්නේ චීනයේ මෙම ප්රකාශය ඔවුන්ගේ සහය ලබන මියන්මාරයේ මිලිටරි පාලනය ආරක්ෂා කිරීමට කටයුතු කිරීමක් ලෙසයි.
මියන්මාරයේ මහජන ඡන්දයෙන් තේරී පත්වූ ප්රජාතන්ත්රවාදී පාලනයක් ස්ථාපිත කරන ලෙස බටහිර රටවල් වෙතින් බලපෑම් එල්ල වෙමින් තිබෙන අතර චීනය එය පිලිනොගන්නා අතර ඔවුන් පවසන්නේ මියන්මාරයේ ඇත්තේ අභ්යන්තර ප්රශ්නයක් බවයි.
මේ වනවිට මියන්මාරයේ හමුදා ආණ්ඩුවට එරෙහි උද්ඝෝෂණවලින් පුද්ගලයන් 500කට අධික පිරිසක් මියගොස් තිබේ.