මියන්මාර හමුදා ජුන්ටාව විසින් සිදු කරනු ලබන මානව හිමිකම් උල්ලංඝනය කිරීම් නොතකා චීනය මියන්මාරයට සහයෝගය ලබා දෙන බවත් පකිස්තානය හරහා ඔවුන්ගේ හමුදාවට ආයුධ සැපයීම සිදු කරන බවත් හියුමන් රයිට්ස් වොච් සංවිධානය විසින් ප්රකාශයට පත් කරනු ලැබූ වාර්තාවක් පවසයි.
ලොව පුරා අපකීර්තියට පත් ඒකාධිපති ආණ්ඩු සමඟ ගණුදෙනු කිරීමට බීජිනයේ අඛණ්ඩ කැමැත්ත එමඟින් පෙන්නුම් කරන බවත් මානව හිමිකම් “අපයෝජනය” කරන රජයන් සමඟ පවා සබඳතා පැවැත්වීම සහ ඔවුන්ට ආධාර සැපයීම “චීන විදේශ ප්රතිපත්තියේ මූලධර්මයක්” බවත් එම වාර්තාව පෙන්වා දී ඇත.
පසුගිය වසරේ පෙබරවාරි මාසයේ මියන්මාරයේ කුමන්ත්රණයෙන් පසුව, ජුන්ටාව රටේ මධ්යම ප්රදේශයේ ගම්මාන 100ක් විනාශ කර ගොඩනැගිලි 5,500කට වඩා විනාශ කර ඇතැයි ද එහි දැක්වේ.
චීනය ඇතුළු කාම්බෝජය, ලාඕසය, තායිලන්තය, වියට්නාමය යන රටවල විදේශ අමාත්යවරුන්ගේ Lancang-Mekong සහයෝගිතා සංසදය යටතේ ද හමුදා ජුන්ටාවට සහාය දීමට පොරොන්දු වී ඇත.
එමෙන්ම චීනය පාකිස්තානය හරහා මියන්මාරයට හමුදා උපකරණ ලබා දෙන අතර මිලිමීටර් 60 සහ 81 මෝටාර්, M-79 අත්බෝම්බ සහ බර මැෂින් තුවක්කු සපයනු ලබන බව පැවසේ.
මෙම ගනුදෙනු සිදු වන්නේ රහසිගතව සහ එක්සත් ජාතීන්ගේ නිරීක්ෂණයෙන් බැහැරව බව ද එම වාර්තාව වැඩි දුරටත් පවසා තිබේ.