එන්නත්කරණය පිළිබඳ චීන රජයේ වැඩපිළිවෙලට එරට වැඩිහිටි ජනතාව අතර විරෝධය පළවෙමින් තිබේ.
කොවිඩ් වෛරසය සම්පූර්ණයෙන් මුලිනුපුටා දැමීමේ චීන රාජ්ය ප්රතිපත්තිය අනුව මේ දිනවල යළි ජනතාව කොවිඩ් එන්නත් කරණයට ලක්කිරීමේ කටයුත්ත වැඩිහිටියන් අතර විවේචනයට ලක්ව ඇත.
එරට ආර්ථික නගරයක් වන ෂැංහයි නුවර වසා දමා එහි වෙසෙන ජනතාව එන්නත්කරණයට ලක්කිරීමට චීන බලධාරීන් පියවර ගෙන තිබිණි.
මෙහිදී අවුරුදු 60 ට වැඩි ජනතාව විශේෂයෙන් එන්නත්කරණය සඳහා යොමුකර තිබූ අතර බලධාරීන් ප්රකාශ කර තිබුණේ ජූනි මස මැද භාගය වනවිට එම වයස් කාණ්ඩය අතරින් සියයට 63 කට අධික ප්රතිශතයක් එනනත්කරණයට ලක්ව ඇති බවයි.
කෙසේ නමුත් විදෙස් වාර්තා සඳහන් කළේ මෙම එන්නත්කරණය හේතුවෙන් සිය ගණනක් වූ වැඩිහිටි ප්රජාව විවිධ සංකූලතාවන්ට ලක්ව මියගොස් ඇති බවකි.
සංඛ්යා ලේඛණ එසේ වුවද චීන බලධාරීන් විසින් සිය එන්නත්කරණ වැඩපිළිවෙල යටතේ වැඩිහිටි ප්රජාව එන්නත්කරණයට යොමුකිරීම අතහැර දමා නොමැත.