චීනයේ හිටපු නියෝජ්ය ආරක්ෂක අමාත්ය Sun Lijun හට ජීවිතාන්තය දක්වා සිරදඬුවම් නියම වී තිබේ.
ඒ, ඔහුට එරෙහිව ඉදිරිපත් වී ඇති අල්ලස් චෝදනා වලට අදාලව ඔහු වැරදිකරුවෙකු ලෙස අධිකරණය තීන්දු කිරීමත් සමගයි.
කොටස් වෙලදපල හැසිරවීම, නීති විරෝධී ලෙස ආයුද ලග තබා ගැනිම, බල අයුතු ලෙස භාවිතය සහ අල්ලස් ලබා ගැනීම යන චෝදනා රැසක් ඔහුට එරෙහිව ගොනු කර තිබුණි.
ඇතැම් විදෙස් මාධ්ය පැවසුවේ 2001 සහ 2020 යන කාලය තුළ Sun Lijun අල්ලස් ලෙස යුවාන් මිලියන 646 ක් උපයා ගෙන ඇති බවයි.
පළමුව මෙම චෝදනාවලට වරදකරු වූ Sun Lijun ට චීන අධිකරණයක් මගින් මරණ දඩුවම නිකුත් කර තිබිණි.
අනතුරුව එය ජීවිතාන්තය දක්වා වූ සිරදඬුවමක් ලෙස වෙනස් කිරීමට අධිකරණය විසින් තීන්දු කර තිබේ.
අල්ලස් චෝදනා එල්ල වීමෙන් අනතුරුව පක්ෂයේ විනය සහ නීති පද්ධතිය උල්ලංඝනය කිරීම යටතේ පාලක කොමියුනිස්ට් පක්ෂය විසින් Sun Lijun ව නෙරපා හරිනු ලැබුවා.
ඉන් අනතුරුවයි ඔහුට එරෙහිව නඩු විභාගය ක්රියාත්මක වුණේ.
කෙසෙවෙතත් චීන කොමියුනිස්ට් පක්ෂයේ ප්රභලයෙකු මෙලෙස ජීවිතාන්තය දක්වා සිරදඬුවමකට නියම වූයේ එම පක්ෂය සම්ප්රදාය බිද දමමින් ජනාධිපති සී ජින්ගේ බලය තහවුරු කිරීම සදහා සූදානමින් සිටින පසුබිමක් තුළයි.