මෙම වසර අවසානයත් සමඟ කොවිඩ් වසංගතය ද අවසන් වනු ඇති බවට තමාට විශාල විශ්වාසයක් ඇති බව චීනයේ, ෂැංහයි හි ප්‍රධාන බෝවන රෝග විශේෂඥයෙකු වන ෂැං වෙන්හොං මහතා පවසන බවට විදෙස් මාධ්‍ය වාර්තා කර සිටිනවා.
ප්‍රජා ප්‍රතිශක්තිකරණ මට්ටමට ළඟාවීම, එන්නත් මගින් ස්ථාපිත කරන ලද ප්‍රතිශක්තිකරණ බාධකය හෝ 2022 දී නව ප්‍රතිකාර ඖෂධ දියත් කිරීම වැනි දෑ සම්බන්ධව ලෝකයේ අවධානය යොමුව තිබුණද, මෙය අවසාන ‘කොවිඩ් සීත කාලය’ විය හැකි බවත් දැන් වසංගතයේ අවසානය ආසන්න බවත් වෙන්හොං මහතා පවසනවා
SARS-CoV-2 හි ඩෙල්ටා සහ ඔමික්‍රෝන් ප්‍රභේද හුදෙක් වෛරසයේ විකෘති පමණක් වන අතර, සියලුම වෛරස කාලයත් සමග වෙනස් වන බව පවසන ඔහු SARS-CoV-2 වෛරසය අනෙකුත් කොරෝනා වෛරස් සමග විකෘති වුවහොත් තත්වය බරපතල විය හැකි නමුත් එවැන්නකට ඇත්තේ විරල ඉඩක් බවත් පවසනවා.
කොවිඩ්-19 සමග කටයුතු කිරීමේදී අප මෙතෙක් රැස්කර ඇති අත්දැකීම් සමග අනාගතයේදී වෛරසය විකෘති වලට මුහුණ දීමට හැකි වනු ඇතැයි තමා විශ්වාස කරන බවත් ඔහු වැඩිදුරටත් පවසනවා.
