වර්තමානයේ ඇමරිකානු සිලිකන් නිම්නය ඇතුළු ගෝලීය තාක්‍ෂණ සමාගම් සමග තරඟ කිරීම සදහා චීන රජය විසින් තෝරාගත් කුඩා ආයතන රැසකට විශේෂ සහාය සහ අනුග්‍රහය ලබා දෙමින් සිටින බව වාර්තා වේ.
කැලිෆෝනියාවේ දකුණු සැන් ෆ්‍රැන්සිස්කෝ බොක්ක ප්‍රදේශයේ සිලිකන් නිම්නය Apple, Facebook සහ Google වැනි බොහෝ ගෝලීය තාක්‍ෂණ සමාගම්වල නිවහන වේ.
මේවා සමඟ තරග කළ හැකි මට්ටමේ පවතින චීනයේ දැවැන්ත ආයතන වන Alibaba සහ Tencent Holdings වැනි ආයතන සඳහා අනුග්‍රහය දැන්වීමෙන් වැළකී ඇති චීනය කුඩා සමාගම් “පුංචි යෝධයන්” ලෙස හදුන්වා දී ඒවා වර්ධනය කිරීමට කටයුතු කරමින් සිටින බව පැවසේ.
සිලිකන් නිම්නය සමඟ තරඟ කළ හැකි තාක්ෂණික කර්මාන්තයක් පෝෂණය කිරීම චීන රජයේ අරමුණ බවත් ඒ සදහා මහා පරිමාණ සමාගම් වෙනුවට කුඩා සමාගම් විශාල සංඛ්‍යාවක් ස්ථාපනය කිරීමත් චීන රජයේ අරමුණ බව විදෙස් වාර්තා වැඩිදුරටත් සදහන් කරයි.
