චීනය විසින් ඉදිකරන ලද නව දුම්රිය මාර්ගයක් හේතුවෙන් මේ වන විට ඔවුන්ට මියන්මාරය හරහා ඉන්දියන් සාගරයට පිවිසීමේ අවස්ථාව උදාවී ඇතැයි ජාත්‍යන්තර විශ්ලේෂකයෝ පෙන්වා දෙති.
ඉරවඩි පුවත්පත වාර්තා කරන පරිදි, චීනය පසුගියදා මියන්මාර ෂින් ෂාවෙි හව් නගරය දක්වා වන දුම්රිය මාර්ගයක් විවෘත කර තිබේ.
මේ හරහා බටහිර චීනයේ චෙන්ග්ඩු නගරයත් , සම්පූර්ණයෙන්ම ගොඩබිමින් වටවූ යුනාන් ප්‍රාන්තයත් පහසුවෙන් ඉන්දියන් සාගරයට සම්බන්ධ කිරීමට හැකියාව ලැබී තිබේ.
එහිදී සිංගප්පූරුව ඇතුළු ඉන්දියන් සාගරය හරහා ප්‍රවාහනය කරන බහාලුම් මියන්මාරයේ රැන්ගුන් වරාය ඔස්සේ රටතුළට රැගෙන ගොස් පහසුවෙන් චීනයට රැගෙන යා හැකිවේ.
මේ ආකාරයට චීනය සෟජුව ඉන්දියන් සාගරයට ප්‍රවේශය ලබාගැනීම තුළ ඔවුන්ට විශේෂ ආර්ථික සහ භුදේශපාලනික වාසි අත්වන බව විශ්ලේෂකයන්ගේ අදහසයි.
