චීනයේ ජනගහනය මේ වසරේ දී උපරිම මට්ටමට ළඟා වනු ඇතැයි අනාවරණය කරගෙන තිබේ.
චීනයේ මහජන බැංකුවේ මුදල් ප්රතිපත්ති කමිටුවේ සාමාජිකයෙකු වන චායි ෆෑන් පැවසුවේ ලොව විශාලතම ජනගහනය හිමි චීනය 2022 දී එහි උපරිමයට පැමිණිය හැකි බවයි.
මේ වන විට උපත් දත්ත අනාවරණය කර ඇති පළාත් 16 න් හතක් 2021 දී සෘණ ජනගහන වර්ධනයක් පෙන්නුම් කළ බව ඔහු පැවසීය.
ජනගහන වර්ධන වෙනස්කම්වලට මුහුණ දීම සඳහා ගෘහස්ථ ආදායම් වර්ධනයට සහාය වීම සඳහා චීනය ද පියවර ගත යුතු බව ද ඔහු පැවසීය.
ජාතික සංඛ්යාලේඛන කාර්යාංශයට අනුව, 2021 දී චීනයේ උපන් බිළිඳුන්ගේ සංඛ්යාව මිලියන 10.62 ක් වූ අතර එය 2020 දී මිලියන 12 ක් වූ සංඛ්යාවට වඩා අඩු විය.
මේ අතර පහත වැටෙන ශ්රම බලකාය ආර්ථිකයේ සැපයුමට බාධාවක් වනු ඇති බවත් අඩුවන ජනගහනය, ඉල්ලුමට නව සීමාවක් බවට පත්වනු ඇති බවත් ඔහු මාධ්ය හමුවකදී හෙළි කර තිබේ.
ඉල්ලුම සහ සැපයුම අතර නොගැලපීම ආර්ථික වර්ධනයට බාධාවක් වනු ඇතැයි ඔහු පෙන්වා දී තිබේ.