චීනයේ සෞඛ්‍ය සේවා පද්ධතියේ වැදගත් අංගයක් වන පෞද්ගලික රෝහල් එරට දැඩි කොරෝනා වෛරස් පාලනය හේතුවෙන් පැවැත්ම පිළිබද ගැටලුවලට මුහුණ දී ඇති බව වාර්තාවේ.
පසුගිය 2020 දී සමස්ථ කොවිඩ් රෝගීන්ගේ පැමිණීම්වලින් සියයට 15 ක් පමණ පුද්ගලික රෝහල් වෙතින් වාර්තා වී ඇති අතර, සෙසු පිරිස රජයේ රෝහල් වෙත පැමිණ තිබේ.
වාර්තා අනුව 2020 අවසන් වන විට රටේ රාජ්‍ය සහ පෞද්ගලික රෝහල් 35,394ක් ක්‍රියාත්මක වී තිබිණ.
පුලුල්ව පැතිරී ඇති අගුලු දැමීම් සහ බලහත්කාරයෙන් නිරෝධායනය වීමට හෝ රෝහල් ගත කිරීමට ඇති බිය නිසා, බොහෝ දෙනෙකු වෙනත් රෝග සඳහා ප්‍රතිකාර ලබා ගැනීම සඳහා පවා රෝහල් වෙත නොපැමිණ ඇති බව සදහන් වේ.
මේ අනුව චීනයේ පෞද්ගලික රෝහල්වලට දැඩි ආදායම් අහිමි වීම්වලට මුහුණ දීමට සිදුව ඇති බව විදෙස් වාර්තාවල දැක්වේ.
පසුගිය වසර දෙකේ වැඩි කාලයක් ඇතැම් රෝහල් මහා පරිමාණ කොරෝනා එන්නත් සහ පරීක්ෂණ වැඩසටහන් සඳහා පූර්ණ ලෙස සම්බන්ධ වී සිට ඇත.
මේ පසුබිම තුළ 2021වර්ශයේ දී මහා පරිමාණ පෞද්ගලික රෝහල් හතළිස් හයක් බංකොලොත්භාවය ප්‍රකාශයට පත් කර ඇති බව ද පැවසේ. .
පසුගිය වසරේ අගභාගයේදී රාජ්‍ය මාධ්‍ය විසින් බෙදා හරින ලද දත්ත මත පදනම් වූ පර්යේෂණයන්ට අනුව, 2020 දී පමණක් චීනයේ රජයේ සහ පෞද්ගලික රෝහල් 685 ක් -වසා දමා ඇති අතර, එය පෙර වසරට වඩා දෙගුණයකට ආසන්න බව සදහන් වේ.
