චීනය විසින් මුහුදේ ජලය යටින් ගොස් සතුරු ඉලක්ක වෙත පහරදිය හැකි කෘතිම රොබෝවකු නිර්මාණය කර තිබේ.
බ්‍රිතාන්‍යය සන්ඩේ ටයිම්ස් පුවත්පත වාර්තා කර ඇත්තේ මෙම රොබෝවාට මිනිස් මෙහෙයවීමකින් තොරව සතුරු ඉලක්ක වෙත පහර දිය හැකි බවයි.
අත්හදා බැලීම්වලදී මෙම රොබෝවා විසින් සිය කෘතිම බුද්ධිය මගින් සතුරු සබ්මැරීන් යාත්‍රා හදුනාගෙන ඒ වෙත ටෝර්පිඩෝ ප්‍රහාර එල්ල කිරීම සිදුකර ඇති බව සදහන් වේ.
මෙම නව සොයාගැනීම පිළිබද අනාවරණය වීමත් සමග දකුණු සහ නැගෙනහිර චීන මුහුදු කලාපයේ පවතින ආරක්ෂක උණුසුම තවදුරටත් ඉහළ ගොස් තිබේ.
මෙම සාගර කලාපයේ තායිවානය මුල් කරගෙන චීනය සහ බටහිර බලවතුන් අතර කුමන හෝ මොහොතක ගැටුමක් ඇවිලීයා හැකි බව අන්තර්ජාතික ආරක්ෂක විශ්ලේෂකයන්ගේ අදහසයි.
