මීකොං ගඟ ආශ්‍රිතව චීනය විසින් සිදුකරන දැවැන්ත වේලි ඉදිකිරීමේ ව්‍යාපෘති හේතුවෙන් රටවල් රැසක මිලියන ගණනාවක් ජනතාව දුෂ්කරතාවයට මුහුණ දී ඇතැයි වාර්තා වේ.
විදෙස් මාධ්‍ය වාර්තා කරන්නේ, චීනය විසින් ජල විදුලිය නිෂ්පාදනය කිරීම සදහා මීකොං ගංගාව ආශ්‍රිතව වේලි 140ක් පමණ ඉදිකරමින් ඇති බවයි.
මෙිවායින් ඇතැම් වේලි චීනය තුළ ඉදිකෙරෙන අතර ඇතැම් වේලි එක් තීරයක් එක් මාවතක් වැඩසටහන යටතේ මීකොං ගංගාව ගලා බසින අසල්වැසි රටවල ඉදි කෙරේ.
දැනටමත් ඇතැම් වේලිවල ඉදිකිරීම් ආරම්භ වී ඇති අතර මේ හේතුවෙන් ගඟ පහළ කොටසේ රටවල් රැසක ජීවත්වන ජනතාව දුෂ්කරතාවයන්ට මුහුණ දී ඇතැයි සදහන් වේ.
විශේෂයෙන්, ජල හිගය සහ පස නිසරැවීම හේතුවෙන් මියන්මාරය ,තායිලන්තය ,ලාඕසය , කාම්බෝජය, වියට්නාමය යන රටවල මිලියන ගණනක ජනතාවක් දුෂ්කරතාවයට පත්ව ඇතැයි විදෙස් මාධ්‍ය වාර්තා කරයි.
