චීන කාබනික පොහොර නැවේ සාම්පල නැවත පරීක්ෂා නොකරන බව කෘෂිකර්ම අධ්‍යක්ෂ ජනරාල් ආචාර්ය අජන්ත ද සිල්වා මහතා නැවතත් අවධාරණය කර සිටිනවා.
ඔහු සඳහන් කළේ, තුන්වන පාර්ශ්වයකට ලබා දී එම නැවෙහි පොහොර සාම්පල පරීක්ෂා කිරීමට ඉල්ලිම් තිබුණ ද එවැන්නක් කිරීමට අවශ්‍යතාවක් නොමැති බවයි.
එම පොහොර සම්පල පරීක්ෂාව සඳහා තෙවන පාර්ශවයකට ලබා දී නොමැති බව ද අධ්‍යක්ෂ ජනරාල්වරයා පැවසී ය.
මෙරට ශාඛ නිරෝධායන ආයතනය කරන ලද කාබනික පොහොර සාම්පල පරික්ෂා කිරීම් පිළිබඳව සෑහිමකට පත්වන බව ද ඔහු ප්‍රකාශ කළේ ය.
මේ වන විට මෙරට මුහුදේ නැංගුරම්ලා ඇති එම චීන කාබනික පොහොර නෞකාව මෙරටට ඇතුල් කර නොගන්නා බව ද කෘෂිකර්ම අධ්‍යක්ෂ ජනරාල්වරයා පැවසී ය.
කෙසේ නමුත් චීන සමාගම පසුගියදා ප්‍රකාශ කර සිටියේ තම පොහොර තෙවන පාර්ශවයක් මගින් පරීක්ෂා කළ බවත් එහිදී එම පොහොර අහිතකර නොවන බව තහවුරු වූ බවත් ය.
