යාපනයේ පිහිටි චීන ඉදිකිරීම් සමාගමකට අයත් කාර්යාල භූමියක චීන ධජය ඔසවා තිබෙන ආකාරය ඊයේ (05) දිනයේ වාර්තා වුණා.
මේ සම්බන්ධයෙන් ඩේලි මිරර් පුවත්පත විදේශ කටයුතු අමාත්‍ය දිනේෂ් ගුණවර්ධන මහතාගෙන් සිදුකල විමසීමේදී ඔහු සඳහන් කර ඇත්තේ අදාළ සිදුවීම පිළිබදව තමන් දැනුවත්වී නොමැති බවයි.
එම සිදුවීම ඒ වන විටත් විදේශ කටයුතු අමාත්‍යාංශයට වාර්තා වී නොමැති බවත් සාමාන්‍ය තත්වයන් යටතේ විදේශීය සමාගම් තම රටේ ධජ තම පරිශ්‍රයන්හි ප්‍රදර්ශනය නොකරන බවත් විදේශ කටයුතු අමාත්‍යවරයා සදහන් කර තිබෙනවා.
දිනේෂ් ගුණවර්ධන මහතා සඳහන් කර ඇත්තේ මව් රටට සම්බන්ධතා පෙන්වීම සඳහා උත්සවයක් හෝ උත්සවයක් වැනි විශේෂ තත්වයන් යටතේ ජාතික ධජ අදාළ පරිශ්‍රයේ ඔසවන බවයි.
එලෙස උත්සවයක් පැවැත්වීමට හා සඳහා චීන ජාතික ධජය ප්‍රදර්ශනය කිරීම සඳහා සමාගම විසින් අවසරයක් ලබාගෙන පළාත් පාලන ආයතනයට ගෙවීමක් කර තිබේදැයි සොයා බැලීම අත්‍යවශ්‍ය බවද ඔහු සදහන් කර තිබෙනවා.
විදේශ අමාත්‍යවරයා සදහන් කර ඇත්තේ මේ පිළිබඳව සොයා බැලිය යුත්තේ යාපනය භාරව සිටින පළාත් පාලන ආයතනය මිස විදේශ අමාත්‍යංශය නොවන බවයි.
