ගුවන් සමාගම්වල රහස් සොරකම් කිරීමට කුමන්ත්රණය කිරීම සම්බන්ධයෙන් චීන බුද්ධි නිලධාරියෙකු එක්සත් ජනපද ජූරි සභාවක් විසින් වරදකරු කර තිබෙනවා.
Xu Yanjun ආර්ථික ඔත්තු බැලීම සහ වෙළඳ රහස් සොරකම් කිරීම සම්බන්ධ චෝදනා පහකට වැරදිකරු වී ඇතැයි සඳහන් වෙනවා.
ඒ අනුව වසර 60ක සිරදඬුවමක් සහ ඩොලර් මිලියන 5කට වැඩි දඩයකට මුහුණ දීමට ඔහුට සිදුව තිබෙනවා.
Xu ප්රථම වරට 2018 දී බෙල්ජියමේ දී අත්අඩංගුවට ගනු ලැබූ අතර, නඩු විභාගය සඳහා එක්සත් ජනපදයට පිටුවහල් කරන ලද පළමු චීන ක්රියාකාරිකයා ඔහු බවයි වාර්තා වෙන්නේ.
එක්සත් ජනපද අධිකරණයෙන් ලබා දුන් තීන්දුව පිළිබඳව චීන බලධාරීන් මෙතෙක් ප්රසිද්ධියේ අදහස් දක්වා නැහැ.
එක්සත් ජනපද අධිකරණ දෙපාර්තමේන්තුවේ ප්රකාශයට අනුව, Xu යනු චීනයේ රාජ්ය ආරක්ෂක අමාත්යාංශයේ ජියැංසු ශාඛාවේ ජ්යෙෂ්ඨ සාමාජිකයෙක්.අදාළ වාර්තාවෙන් පෙන්වා දී ඇත්තේ එය විදේශ ඔත්තු සේවා සහ අභ්යන්තර ආරක්ෂාව සඳහා වගකිව යුතු ආයතනයක් බවයි.