නේපාල දේශසීමාවේ නිරීක්ෂණ ආරම්භ කිරීම ඇතුළු චීනයේ අප්රකාශිත අවහිර කිරීම් නේපාල ආර්ථිකයට දැඩි බලපෑමක් ඇති කර ඇති බව විදෙස් වාර්තා පවසයි.
මේ හේතුවෙන් සැලකිය යුතු ව්යාපාරිකයන් සංඛ්යාවක් ඉන්දියාවේ කල්කටා වරාය හරහා ව්යාපාර ආරම්භ කර ඇති බව නේපාල හිමාලයානු හරස් දේශසීමා වාණිජ මණ්ඩලය පවසා තිබේ.
විදෙස් වාර්තාවක් පෙන්වා දෙන ආකාරයට කොවිඩ්-19 මුවාවෙන් චීනය ඒකපාර්ශ්විකව නේපාලය සමඟ දේශසීමා වසා දමා ඇති අතර ඒවා විවෘත කරන ලෙස නේපාල ව්යවසායකයින් කළ ඉල්ලීම නොතකා හැර ඇති බව පැවසේ.
චීනය Tatopani සහ Kerrung මුරපොළ හරහා භාණ්ඩ ආනයනයට බාධා කරමින් නේපාලයට අප්රකාශිත අවහිරයක් පැනවීමට දිගින් දිගටම කටයුතු කර ඇති බවට චෝදනා එල්ල වී තිබේ.
මෙහි ප්රතිඵලයක් වශයෙන්, නේපාල වෙළඳුන් විසින් මිලියන ගණනින් ණයවර ලිපි (LC) විවෘත කිරීමෙන් පසු ලබා ගත් භාණ්ඩ රැගත් බහාලුම් විශාල ප්රමාණයක් චීනයේ විවිධ නගරවල මාස ගණනාවක් තිස්සේ හිර වී ඇතැයි ද පැවසේ.
ව්යාපාරිකයින්ට අනුව, නිදහසට විවිධ කරුණු කියන චීනය තවමත් නේපාල ට්රක් රථවලට පෙර මෙන් Tatopani සහ Kerung මුරපොළවලින් යාමට අවසර ලබා දී නොමැත.
නේපාල-චීන රේගු මුරපොළවල් හරහා ගණුදෙනු පහසු කරන ලෙස නේපාල ව්යාපාරිකයන් ඉල්ලා සිටියත් ඒ සඳහා චීන බලධාරීන්ගෙන් ධනාත්මක ප්රතිචාර ලැබී නැතැයි නේපාල ආරංචි මාර්ග වැඩිදුරටත් පවසා තිබේ.