31 C
Colombo
Sunday, December 5, 2021

CIA ප්‍රධානියා තලේබාන් දේශපාලන නායකයා මුණගැසෙයි

- Advertisement -

CIA සංවිධානයේ අධ්‍යක්ෂ විලියම් බර්න්ස් තලේබාන් සංවිධානයේ ඉහළම දේශපාලන නායකයා වන මුල්ලා අබ්දුල් ඝානී මුණ ගැසී සාකච්ඡා පවත්වා ඇතැයි ‘ද වොෂින්ටන් පෝස්ට්’ පුවත්පත වාර්තා කරයි.

ඇෆ්ගනිස්තානයෙන් අගෝස්තු 31 වැනිදා වනවිට ඇමෙරිකානු හමුදා ඉවත් කරගන්නා බව බයිඩන් පරිපාලනය මීට පෙර ප්‍රකාශ කර තිබූ නමුත් මේ වනවිට එම කාලය ප්‍රමාණවත් නැතැයි බයිඩන් පරිපාලනයේ විශේෂඥයේ මෙන්ම එක්සත් රාජධානිය, ප්‍රංශ වැනි මිත්‍ර රටවල් ද අවධාරණය කර තිබේ.

කෙසේ වෙතත් නියමිත දිනට ඇමෙරිකානු ඇතුළු විදේශීය හමුදා ඉවත් කර නොගන්නේ නම් දරුණු ප්‍රතිවිපාකවලට මුහුණ දීමට සිදුවනු ඇතැයි තලේබාන් සංවිධාන‌යේ ප්‍රකාශකයකු උපුටා දක්වමින් බී.බී.සී. සහ අල්ජසීරා පුවත් සේවය සඳුදා වාර්තා කර තිබිණි.

ඇෆ්ගනිස්තානයේ වත්මන් තත්ත්වය සාකච්ඡා කිරීම සඳහා ලොව ධනවත් රටවල කණ්ඩායම ලෙස සැලකෙන G7 කණ්ඩායමේ නායකයන් විඩියෝ තාක්ෂණය ඔස්සේ අඟහරුවාදා දිනයේදී මුණ ගැසීමට නියමිතව ඇතැයි ද වාර්තා වේ.

මෙම තත්ත්වය මැද සිය පුරවැසියන්, රාජ්‍ය තාන්ත්‍රිකයන් මෙන්ම ඇෆ්ගනිස්තාන රාජ්‍ය තාන්ත්‍රිකයන් මුදාගැනීම සඳහා තවදුරටත් කාලය අවශ්‍ය යැයි ප්‍රංශය සහ එක්සත් රාජධානිය පෙන්වා දී තිබෙන රැඳී සිටින කාලය දීර්ඝ වෙත්ම ආරක්ෂාව සම්බන්ධයෙන් අවදානමක් ඇතැයි බයිඩන් පරිපාලනයේ උපදේශකයන් පෙන්වා දී තිබේ.

G7 කණ්ඩායමේ හමුවේදී එම රටවල රාජ්‍ය නායකයන් ඇෆ්ගන් සරණාගතයන් නැවත පදිංචි කිරීම සම්බන්ධයෙන් ද සාකච්ඡා කිරීමට නියමිත යැයි වොෂින්ටන් පෝස්ට් පුවත්පත වාර්තා කරයි.

අගෝස්තු 14 වැනිදා සිට මේ දක්වා ගත වූ කාලයේ දී ඇමෙරිකා එක්සත් ජනපදය ඇෆ්ගනිස්තානයෙන් 48,000කට වැඩි පිරිසක් මුදාගෙන ඇතැයි ධවල මන්දිරය උපුටා දක්වමින් සී.එන්.බී.සී. පුවත් සේවය වාර්තා කර තිබිණි.

ඔවුන්ගෙන් බොහෝදෙනා මේ වනවිට ජර්මනිය, ඉතාලිය, කුවෙට්, කටාර්, සහ ස්පාඤ්ඤය ඇතුළු තවත් රටවල් කිහිපයක ඇමෙරිකානු කඳවුරුවල රැඳී සිටිති.

මේ අතර ඇෆ්ගනිස්තානයේ තත්ත්වය සම්බන්ධයෙන් එක්සත් ජාතීන්ගේ මානව හිමිකම් කවුන්සිලයේ හදිසි සැසියක් ඊයේ (24) පැවැත්විණි.

තලේබාන් සංවිධානය ඝාතන කර ඇති බවට විශ්වාසනීය තොරතුරු ලැබී ඇතැයි එහිදි කියැවිණි.

තලේබාන් සංවිධානයේ ක්‍රියාකාරකම් නිරීක්ෂණය කිරීම සඳහා යාන්ත්‍රණයක් සැකසිය යුතු බව මෙහිදි අදහස් දැක්වූ එක්සත් ජාතීන්ගේ මානව හිමිකම් පිළිබඳ මහ කොමසාරිස් මිචෙල් බැචලේ පැවැසුවා ය.

ඇෆ්ගනිස්තානයේ තත්ත්වය හේතුවෙන් නේටෝ සංවිධානය තුළ ත් බටහිර මිත්‍ර සන්ධානයත තුළත් යම් අවිනිශ්චිත තත්ත්වයක් නිර්මාණය වී තිබේ.

ප්‍රධාන වශයෙන් ඇමෙරිකානු නායකත්වය යටතේ බටහිර රටවල් ඇමෙරිකාවට පසු පසින් ගමන් කිරීමේ තත්ත්වය යි. අනෙක් අතට ඇමෙරිකාව සිය මිත්‍ර රටවල් අත්හැර දැමුවේ ය යන චෝදනාව ද එල්ල වී තිබේ.

ඇමෙරිකාව ඇෆ්ගනිස්තානයෙන් හොර රහසේ පිටව යෑමෙන් ත්‍රස්ත සංවිධානවලට පණිවුඩයක් දී තිබේ.

විශේෂයෙන්ම ලොවපුරා ව්‍යාප්ත වී තිබෙන සන්නද්ධ කණ්ඩායම්, ත්‍රස්ත සංවිධානවලට ජයග්‍රාහී උපායමාර්ගික පණිවුඩයක් මෙමඟින් ලැබී තිබේ.

අනෙක් අතට ඇමෙරිකාව විශ්වාසනීය මිත්‍ර පාර්ශවයක් ද යන සැකය ද රටවල් අතර ඇති වී තිබේ.

RECENT ARTICLES - SINHALA

හෙට සිට නැවතත් ඔබේ නිවසට ගෑස්

හෙට දිනයේ සිට ගෑස් බෙදා හැරිමට පාරිභෝගික සේවා අධිකාරිය විසින් අවසර ලබා දී තිබෙනවා. ඒ ප්‍රධාන කරුණු 03ක් සම්බන්ධයෙන් අවධානය යොමු කිරීමෙන්...

තෙල් පිරිපහදුව යළි විවෘත වන දිනය ගම්මන්පිළ ප්‍රකාශ කරයි

0
සපුගස්කන්ද බොරතෙල් පිරිපහදුවේ මෙහෙයුම් කටයුතු දෙසැම්බර් 07 වැනිදා නැවත ආරම්භ කරන බව බලශක්ති අමාත්‍ය උදය ගම්මන්පිල මහතා පාසනවා. එලෙස...

වෛද්‍ය පාදෙණියගේ සභාපතිකමට කණකොකා හඬයි

0
2021/2022 කාලසීමාව සඳහා රජයේ වෛද්‍ය නිලධාරීන්ගේ සංගමයේ සභාපතිවරයා ලෙස වෛද්‍ය අනුරුද්ධ පාදෙණිය මහතා නිතරඟයෙන් පත් කිරීම වළක්වාලමින් මොරටුව දිසා අධිකරණය විසින් අතුරු...

RECENT ARTICLES - ENGLISH

Torturing Sri Lankan to death: At least 800 booked under ATA

0
Pakistani police have booked at least 800 people under the Anti-Terrorism Act in connection with the torture and killing of Sri Lankan...

Sri Lankan tortured to death by mob in Pakistan

0
A mob in Sialkot on Friday tortured a man to death before burning his body, while a heavy contingent of police has...

President leaves for Abu Dhabi to attend the Indian Ocean Conference

0
President Gotabaya Rajapaksa left the country today (03) to attend the Indian Ocean Conference (IOC) to be held in Abu Dhabi, the...