ජනාධිපති අරමුදලේ අවභාවිතයක් සිදුවී ඇත්ද යන්න විශේෂ විමර්ශනයක් ආරම්භ කිරීමට පොලීසිය තීරණය කර තිබෙනවා.
වැඩ බලන පොලිස්පති නීතිඥ ප්රියන්ත වීරසූරිය මහතා සඳහන් කළේ, අදාළ විමර්ශනය අපරාධ පරීක්ෂණ දෙපාර්තමේන්තුව (CID) මගින් සිදු කරන්නැයි උපදෙස් දී ඇති බවයි.
ජනාධිපති අරමුදල අවභාවිත කළ පුද්ගලයින් සම්බන්ධයෙන් විමර්ශන සිදු කරන ලෙස ඉල්ලා ඊයේ(23) පොලිස් මූලස්ථානයට පැමිණිල්ලක් ද ඉදිරිපත් ව තිබෙනවා.
මහජන අරමුදල් සුරැකීමේ නීතිඥවරු සංවිධානය විසින් මෙම පැමිණිල්ල ගොනු කර තිබුණා.
