විසුරුවා හැර ඇති පළාත් පාලන ආයතන නැවත කැඳවීම සම්බන්ධයෙන් ඉදිරිපත් වී ඇති යෝජනාව පිළිබඳව මෙතෙක් රජයේ අවධානය යොමුව නොමැති බව රාජ්‍ය අමාත්‍ය ජානක වක්කුඹුර මහතා පවසනවා.
රාජ්‍ය අමාත්‍යවරයා කියා සිටින්නේ අදාළ යෝජනාව සිය අමාත්‍යාංශයට ලැබුණු පසු ඒ පිළිබඳව ඉදිරි කටයුතු විමසීමකට ලක් කරන බවයි.
පළාත් පාලන ආයතන ඡන්ද විමසීම පැවැත්වීමට නොහැකි තත්ත්වයක් මතුවීම හේතුවෙන් අදාළ ආයතන නැවත කැඳවීම සඳහා වූ යෝජනාවක් පාර්ලිමේන්තු මන්ත්‍රී ජයන්ත කැටගොඩ මහතා විසින් පසුගියදා පෞද්ගලික මන්ත්‍රී යෝජනාවක් ලෙස පාර්ලිමේන්තුවට ඉදිරිපත් කර තිබුණා.
මෙම අදාළ පනත් කෙටුම්පත මේ වන විට ගැසට් මඟින් ප්‍රකාශයට පත් කර ඇති අතර එය ඉදිරියේ දි පළාත් සභා සහ පළාත් පාලන අමාත්‍යංශය වෙත යොමු කිරීමට නියමිතව තිබෙනවා.
