කාන්තාවන්ට අධ්‍යාපන අයිතිය ලබාදීමට අදාළ සිය ප්‍රතිපත්තිවල කරුණු කිහිපයක් තලේබාන් සංවිධානය විසින් හෙළිදරව් කර තිබේ.
මෙම කරුණු හෙළිකර ඇත්තේ තලේබාන් ඇෆ්ගනිස්තානයේ උසස් අධ්‍යාපන අමාත්‍යවරයා ලෙස තේරී පත්වූ ෂකීබ් අබ්දුල්බාකි හක්කානි විසිනි.
ඒ අනුව මින් ඉදිරියට ඇෆ්ගනිස්තානය තුළ කාන්තා සහ පිරිමි මිශ්‍ර අධ්‍යාපන ක්‍රමය සම්පූර්ණයෙන්ම තහනම් කර තිබේ.
විශ්ව විද්‍යාලවල පවා කාන්තාවන් සහ පිරිමින් එක්ව අධ්‍යාපනය ලැබීම මෙහිදී තහනම් කර ඇත.
කාන්තා පාසල්වල පිරිමි ගුරැවරුන් සේවයට යෙදවීමද මුලුමනින්ම තහනම් කර තිබේ.
මේ සියලු නීති ෂරියා නීතිය අනුව පනවන ලද ඒවා බවත් මින් ඉදිරියට කාන්තාවන්ගේ අධ්‍යාපන අයිතිය තීරණය වන්නේ ෂරියා නීතියට අනුව පමණක් බවත් තලේබාන් ඇෆ්ගනිස්තානයේ අධ්‍යාපන අමාත්‍යවරයා වැඩිදුරටත් සදහන් කර ඇත.
මේ තත්වය තුළ ඇෆ්ගනිස්තාන කාන්තාවන් දැඩි පීඩනයට සහ බියට පත්ව ඇති බව එරට වාර්තා වැඩිදුරටත් සදහන් කරයි.
