කොළඔ රාජකීය විද්‍යාලයේ විදුහල්පති බී.ඒ. අබේරත්න මහතා තම ඉල්ලා අස්වීමේ ලිපිය අධ්‍යාපන අමාත්‍යංශයට භාර දී ඇති බව වාර්තා වේ.
ඒ මහතාට එම විද්‍යාලයෙන් ඉවත් වෙන්න යැයි පසුගිය ජනවාරි 05 වන දින දන්වා ඇති අතර ඊට අදාල කිසිදු ලිඛිත ලේඛනයක් ඒ මහතාට ලබා දී නැත.
ජනවාරි 06 දින අබේරත්න මහතා ඔහුගේ නිල නිවසේ ඇති බඩු භාණ්ඩ ආදියද එහින් ඉවත් කර ගෙන තිබුණි.
කෙසේ වෙතත් ජනවාරි 09 වන දින මුරුත්තෙට්ටුවේ ආනන්ද හිමියන් මාධ්‍ය සාකච්ඡාවක් පවත්වමින් පවසා සිටියේ රාජකීය විද්‍යාලයේ විදුහල්පතිවරයාව එහින් ඉවත් නොකරන ලෙස ඉල්ලමින් තමන් අධ්‍යාපන අමාත්‍ය ජී.එල්.පීරිස් මහතා සමඟ සාකච්ඡාවක් පැවැත්වූ බවය.
රාජකීය විද්‍යාලයේ ආදී ශිෂ්‍ය සංගමයේ සාමාජිකයන් අගමැති මහින්ද රාජපක්ෂ හමුවී විදුහල්පතිවරයාට දූෂණ දෝදනා ඇති නිසා ඔහුව එම විද්‍යාලයෙන් ඉවත් කරන ලෙස ඉල්ලා ඇති බවත් ඒ හිමියන් පැවැසීය. ඒ හිමියන් ඒ පිළීබඳව අගමැතිවරයාගෙන් ප්‍රශ්ණ කළ බවත්, ඉන්පසුව අගමැතිවරයා පැවසූවේ තමන්ට ඒ පිළීබඳව කළ හැකි දෙයක් නොමැති බවත් ඒ පිළිබඳව අධ්‍යාපන අමාත්‍යවරයාගෙන් අසන ලෙසත්ය.
ඒ අනුව අධ්‍යාපන අමාත්‍යවරයාගෙන්ද ඒ පිළිබඳව විමසු බවත්, ඉන්පසුව පාර්ලිමේන්තු මන්ත්‍රී සාගර කාරියවසම් සමග තමන් සාකච්ඡා කළ බවත්, ඉන් අනතුරුව ජනාධීපතිවරයාට මේ පිළිබඳව දැනුම් දුන් බවත් ඒ හිමියන් පැවසීය.
