මාතර බන්ධනාගාරයේ ගසක අත්තක් කඩා වැටීමෙන් මියගිය රැඳවියන් සඳහා වන්දි ලබාදීමට පියවර ගෙන තිබෙනවා.
ෙබන්ධනාගාර මාධ්‍ය ප්‍රකාශක ගාමිණී බී. දිසානායක මහතා පැවසුවේ, එහිදී මියගිය ගිය එක් රැඳවියෙකු වෙනුවෙන් රුපියල් ලක්ෂ දෙකහමාරක මුදලක් ලබාදීමට රජය තීරණය කර ඇති බවයි.
තුවාල ලබා මාතර රෝහලට ඇතුලත් කර සිටි සෙසු රැඳවියන්ද ප්‍රතිකාර ලබා බන්ධනාගාරය වෙත පැමිණ තිබෙන බව ඔහු සඳහන් කළා.
පසුගිය පළමුවැනිදා මාතර බන්ධනාගාරයේ ගසක අත්තක් කඩා වැටීමෙන් පුද්ගලයින් දෙදෙනෙකු මියගොස් 10 දෙනෙකු තුවාල ලැබුවා.
මාධ්‍ය ප්‍රකාශක ගාමිණී බී. දිසානායක මහතා පැවසුවේ, සිද්ධයෙන් බන්ධනගාරයේ ගොඩනැගිලි දෙකකට හානිවූ බවයි.
එක් ගොඩනැගිල්ලක ප්‍රතිසංස්කරණ කටයුතු අවසන් කර ඇති අතර අනෙක් ගොඩනැගිල්ල ඉදිරියෙදී ප්‍රතිසංස්කරණය කරනු ඇතැයිද ඔහු පැවසුවා.
මේ අතර, මාතර බන්ධනාගාරයේ සිටි රැඳවියන් 55 දෙනෙකු, අඟුණකොළපැලැස්ස බන්ධනාගාරයට රැගෙන යාමටද පියවර ගෙන තිබෙනවා.
