ගාල්ල සෞඛ්ය වෛද්ය කාර්යාලය නිසා තමන් දැඩි සමාජීය හා සෞඛ්ය ගැටලු රැසකට මුහුණ පා සිටින්නේ යැයි චෝදනා කරමින් ගාල්ල දංගෙදර රීගල් පාක් නිවාස සංකීර්ණයේ වැසියෝ ගාල්ල නගරාධිපති ප්රියන්ත සහබන්ධු මහතාට ලිපියක් යොමු කර ඇත.
සිය නේවාසික භාවිතය සඳහා වෙන් වූ ප්රදේශයක සෞඛ්ය වෛද්ය කාර්යාලය පිහිටුවීම ඊට මූලික හේතුව යැයි ද සෞඛ්යාරක්ෂිත ක්රමවේදවලින් බැහැර වී එහි කටයුතු සිදුවීම නිසා කොවිඩ් වෛරසය පැතිර යා හැකි තත්ත්වයක් නිර්මාණය වී ඇතැයි ද ඔවුහු සිය ලිපියෙන් පවසති.
සෞඛ්ය වෛද්ය කාර්යාලයේ සේවා ලබාගැනීමට පැමිණෙන්නන් සායනික අපද්රව්ය බැහැර කිරීම නිසා ප්රදේශය අවට අවදානම් තත්ත්වයක් ඇති නමුත් ඒ ගැන වෛද්ය නිලධාරින්ගේ අවධානය යොමු වී නැතැයි ද ඔවුහු පවසති.
මෙම කාරණය සම්බන්ධයෙන් වහා මැදිහත් වී සුදුසු පරිසරයක සෞඛ්ය වෛද්ය කාර්යාලය පිහිටුවන්නැයි ඉල්ලා සිටින්නේ යැයි ද රීගල් පාක් වැසියෝ සිය ලිපිය මගින් ගාල්ල නගරාධිපතිවරයාගෙන් වැඩිදුරටත් ඉල්ලා ඇත.
මෙම සෞඛ්ය වෛද්ය කාර්යාලය මීට පෙර ගාල්ල නගර සභා පරිශ්රයේ පිහිටුවා තිබූ අතර එය දංගෙදර රීගල් පාක් වෙත ගෙන ආවේ ගාල්ල නියෝජ්ය නගරාධිපති ෆවුස් නියාස් මහතා සහ වෛද්යවරුන් අතර ඇති වූ ආරාවුලකින් පසුය.