ජනාධිපතිවරණය පැවැත්වෙන ලබන 21 වැනිදා මැතිවරණ නීති උල්ලංඝනය කිරීම් හා ඡන්ද විමසීම් සිදුවන අවස්ථාවේ අනීතික ක්‍රියා පිළිබඳ දැනුම්දීමට මැතිවරණ කොමිෂන් සභාවේ මැතිවරණ ආරවුල් නිරාකරණ ඒකකයේ විශේෂ දුරකථන අංක කීපයක් හඳුන්වා දී තිබෙනවා.
ඒ අනුව ජාතික මැතිවරණ ආරවුල් නිරාකරණ ඒකකයේ 011-2796546, 0112-796549, 0112-796586, 0112-868153 අංක අමතා අදාළ සිදුවීම් ගැන දැනුම් දිය හැකි බව මැතිවරණ කොමිසම පුරවැසියන්ට දන්වා සිටිනවා.
මේ අතර, ජනාධිපතිවරණයට අදාළව මැතිවරණ කොමිෂන් සභාව වෙත මේ දක්වා පැමිණිලි 4,602 ක් වාර්තා වී තිබෙනවා.
ඒ අනුව ජාතික මැතිවරණ පැමිණිලි කළමණාකරණ මධ්‍යස්ථානයට පැමිණිලි 1,438 ක් සහ දිස්ත්‍රික් මැතිවරණ පැමිණිලි කළමණාකරණ මධ්‍යස්ථානවලට පැමිණිලි 3,299 ක් ලැබී ඇති බවයි මැතිවරණ කොමිෂන් සභාව නිවේදනය කළේ.
මින් 4,209 ක්ම මැතිවරණ නීති උල්ලංඝනය කිරීම් වන බවද එම කොමිෂන් සභාව පවසනවා.
