මධ්‍යම අධිවේගී මාර්ගයේ ඉදිකිරීම් හේතුවෙන් කපා ඉවත් කිරීමට සූදානම්වූ වේයන්ගොඩ – දාරලුව ප්‍රදේශයේ ඇති කෲඩියා සිලනිකා හෙවත් පණු කරද දුර්ලභ ශාකය අද උදැසන ජාතික භික්ෂු පෙරමුනේ මැදිහත්වීමෙන් සසුන්ගත කෙරුණා.
අධිවේගී මාර්ගයේ ඉදිකිරීම් හේතුවෙන් එය කපා ඉවත්කර හෝ වෙන යම් ස්ථානයකට රැගෙන ගොස් විනාශ නොවී ආරක්ෂා කිරීම සඳහා මෙම පියවර ගත් බවයි භික්ෂූන්වහන්සේලා පවසන්නේ.
අධිවේගී මාර්ගයේ ඉදිකිරීම් කටයුතුවල නිරත චීන සමාගම පසුගියදා මෙම ශාඛය අවට එළිපෙහෙළි කර මාර්ග සංවර්ධන කටයුත්තක යෙදී සිටියදී එම ස්ථානයට පැමිණි ගම්පහ කොට්ඨාසයේ වනජීවී නිලධාරීනි දේවානි ජයතිලක මහත්මියගේ කඩිනම් මැදිහත්වීම මත මෙම කෲඩියා සිලනිකා ශාඛයට සිදුවීමට ගිය විනාශය වළක්වා ගැනීමට හැකිවිය.
පසුව මේ පිළිබදව සමාජ මාධ්‍ය ඔස්සේ දැඩි කතාබහක් ඇතිවූවා.
කෙසේ වෙතත් ඊයේ (09) පාර්ලිමේන්තුවේදී වනජීවි අමාත්‍ය සී.බී.රත්නායක මහතා පැවසුවේ දේවානි ජයතිලක මහත්මිය පෞද්ගලික ප්‍රතිරූප ගොඩනගා ගැනීමේ අරමුණින් උන්මත්තකව ක්‍රියාකරන බවයි.
