ගාල්ල දිස්ත්‍රික්කයේ ඉමදුව සෞඛ්‍ය වෛද්‍ය නිලධාරී කොට්ඨාශයේ පාසැල් දෙකක සිසුන් තිදෙනකු හට කොවිඩ් 19 ආසාදනය වී තිබෙනවා.
ඉමදූව – මැලියගොඩ ග්‍රාම නිලධාරී වසමේ පදිංචි එකම පවුලේ 05 දෙනකු හට කොවිඩ් 19 ආසාදනය වී ඇති අතර එම පවුලේ දරුවන් දෙදෙනෙක් අහංගම නගරයේ පාසලක ඉගෙනුම ලබනවා.
එම දරුවන් දෙදෙනා අතරින් 11 ශ්‍රේණියේ ඉගෙනුම ලබන සිසුවා පාසල් ගොස් නොමැති අතර 6 ශ්‍රේණියේ සිසුවා පාසලට ගොස් ඇති බැවින් පාසල විෂබීජහරණය කිරීමට කටයුතු යොදා තිබෙනවා.
මීට අමතරව අහංගම, වැල්හේන්ගොඩ ප්‍රදේශයේ පාසලක සිසුවකු ද කොවිඩ් 19 ආසාදනය වී ඇති බවට හඳුනාගෙන ඇතත් එම සිසුවා පසුගිය දිනවල පාසල් ගොස් නොමැති බැවින් පාසලට බලපෑමක් නැතැයි සෞඛ්‍ය අංශ පවසනවා.
