ලංකා ගුරු සංගමයේ ප්රධාන ලේකම් ජෝසප් ස්ටාර්ලින් මහතා හට කොවිඩ් 19 වෛරසය ආසාදනය වී ඇති බවට මේ දින වල සමාජ මාධ්යවල විවිධ සටහන් හුවමාරු වනවා.
එම සටහන් බොහෝ දෙනා තවත් අය සමඟ බෙදාගන්නා (Share) ආකාරය දක්නට ලැබෙන අතර ඇතැමුන් ඒවාට අදහස් දක්වමින් (Comments) වෛරී ප්රකාශද සිදුකර තිබෙනවා.
සැබැවින්ම ජෝසප් ස්ටාර්ලින් මහතාෙ කොවිඩ් ආසාදිතව ප්රතිකාර ලබමින් සිටින්නේදැයි News19 ඒ මහතාගෙන් විමසීමක් කළා.
එහිදී ඔහු සදහන් කළේ පසුගිය දින දෙක තුනක් පුරාවටම එවැනි මඩ ප්රචාර සමාජ මාධ්ය හරහා සිදුකරමින් පවතින බවත් එහි කිසිදු සත්යතාවයක් නොමැති බවත්ය.
කොවිඩ් ආසාදිතව නිරෝධායනයේ පසුවන බවට පවසන තමන් පෙරේදා දිනයේත් (24), ඊයේ දිනයේත් (25) ප්රවෘත්ති සාකච්ඡාවන්ට සහභාගීවී ගුරු-විදුහල්පති වැටුප් ගැටළුව පිළිබදව අදහස් දැක්වූ බවද ස්ටාර්ලින් මහතා සිහිපත් කළා.
එමෙන්ම අද (26) දිනයේ ගුරු-විදුහල්පති වැටුප් ගැටළුව පිළිබදව අධ්යාපන අමාත්ය දිනේෂ් ගුණවර්ධන මහතා සමඟ සාකච්ඡාවක් තිබෙන බවත් මේ මොහොතේ එම සාකච්ඡාවට සහභාගීවීම සඳහා ගමන් කරමින් සිටින බවත් ඔහු පවසා සිටියා.
ඒ අනුව ජෝසප් ස්ටාර්ලින් මහතා හට කොවිඩ් ආසාදිතව සිටින බවත් ඔහු මේ වන විට නිරෝධායනට යොමුකර ඇති බවටත් සමාජ මාධ්යයන් හී පලවන විවිධ තොරතුරු අසත්ය බව පැහැදිළිවනවා.
ගුරු-විදුහල්පති වැටුප් ගැටළුව සම්බන්ධයෙන් පසුගිය කාලය පුරා ගුරුවරුන් සිවයින පුරා සිදුකල උද්ඝෝෂණ ව්යාපාරයන්ගෙන් පසුව බොහෝ දෙනා ගුරුවරුන් ඉලක්ක කර ගනිමින් විවිධ අසත්ය ප්රචාරයන් සිදුකළා.
ඉන් බොහෝමයක කියැවුණේ අදාළ උද්ඝෝෂණවලට සහභාගීවූ ගුරුවරුන් රැසක් කොවිඩ් ආසාදිතව සිටින බවත් ඇතැම් ගුරුවරුන් ජීවිතක්ෂයට පත්ව ඇති බවත්ය.
කෙසේ වෙතත් ඒ පිළිබදව සොයාබැලීමේදී තහවුරු වූයේ ගුරුවරුන් මියගියබවට සමාජ මාධ්යවල පලකල ඡායාරූප හා දත්ත වෙනත් රටවල පුද්ගලයින්ගේ ඡායාරූප යොදාගනිමින් ව්යාජ ලෙස සකස්කරන ලද ඒවා බවයි.
ව්යාජව සකසනලද සමාජ මාධ්ය පුවත
මුල් ඡායාරූපය
ව්යාජව සකසනලද සමාජ මාධ්ය පුවත
මුල් ඡායාරූපය
ව්යාජව සකසනලද සමාජ මාධ්ය පුවත
මුල් ඡායාරූපය
ව්යාජව සකසනලද සමාජ මාධ්ය පුවත
මුල් ඡායාරූපය
ව්යාජව සකසනලද සමාජ මාධ්ය පුවත
මුල් ඡායාරූපය