කොළඹ 7 ප්රදේශයේ විදුලි බිල් නොගෙවීම හේතුවෙන් විසන්ධි කිරීමට අද (23) උදෑසන ගිය විදුලි බල මණ්ඩලයේ සේවකයින් දෙදෙනෙකුට යහපාලන රජයේ හිටපු ඇමතිවරයෙක් විසින් බැනවැදී එලවා ඇති බව වාර්තා වනවා.
මේ වන විට සිද්ධිය සම්බන්ධයෙන් කුරුදුවත්ත පොලීසිය වෙත පැමිණිල්ලක් ලැබී ඇති බවයි සඳහන් වන්නේ.
කොළඹ දකුණ විදුලිබල කාර්යාලයේ සේවකයන් දෙදෙනෙක් මෙම සිද්ධියට මුහුණ දී තිබෙනවා.
අදාළ නිවසේ වසන්තා ජයසුරිය යන අයට අයත් නිවසේ විදුලි බිල්පත් නොගෙවීම හේතුවෙන් විදුලිය විසන්ධි කිරීම සඳහා ගිය අවස්ථාවේ එම නිවසේ දැනට පදිංචි සිටින පාර්ලිමේන්තු මන්ත්රී නවීන් දිසානායක මහතා ඇතුළු දෙදෙනෙක් විසින් ඔවුන් දෙදෙනාට බැනවැදී නිවසේ ගේට්ටුවෙන් එළියට තල්ලු කර දැමු බවයි එම පැමිණිල්ලේ දැක්වෙන්නේ.
වාර්තා වන අන්දමට එම නිවසේ රුපියල් ලක්ෂ 2ක හිඟ විදුලි බිලක් ඇති බවයි වාර්තා වන්නේ.
සිද්ධිය සම්බන්ධයෙන් කුරුදුවත්ත පොලීසිය වැඩිදුර පරීක්ෂණ සිදු කරනු ලබනවා.