ජනාධිපතිවරණයේ බොහෝ දිස්ත්‍රික්කවල ඡන්දය ප්‍රකාශ කිරීම පස්වරු 04 ට එම කටයුතු අවසන් වන විට 70% ඉක්මවා තිබුණා.
මේ වන විට ඡන්දය ගණන් කිරීමේ මධ්‍යස්ථාන වෙත ඡන්ද පෙට්ටි ප්‍රවාහනය ආරම්භ වී ඇති බව සඳහන් වුණා.
එමෙන්ම, ඇතැම් දිස්ත්‍රික්කවල තැපැල් ඡන්දය ගණනය කිරීමේ කටයුතු ද ආරම්භ වී තිබෙනවා.
ගම්පහ සහ නුවර එළිය දිස්ත්‍රික්කවල ඡන්දය ප්‍රකාශ කිරීම 80% මට්ටමේ පැවතුණා.
පොළොන්නරුව සහ පුත්තලම දිස්ත්‍රික්කවල එම අගය දැක්වුණේ 78% ක් ලෙසයි.
මොණරාගල දිස්ත්‍රික්කයේ ඡන්දය භාවිත කිරීම සියයට 77 මට්ටමේ පැවති අතර ගාල්ල සහ රත්නපුර දිස්ත්‍රික්කවල ඡන්දය ප්‍රකාශ කිරීමේ ප්‍රතිශතය 74% ක් බවයි දිස්ත්‍රික් තේරීම්භාර නිළධාරීවරුන් ප්‍රකාශ කළා.
එමෙන්ම, යාපනය, ත්‍රිකුණාමලය සහ මඩකලපුව යන දිස්ත්‍රික්කවල ඡන්දය ප්‍රකාශ කිරීම සියයට 60 ඉක්මවා ඇති බව ද තේරීම්භාර නිළධාරිවරුන් කියා සිටියා.
