හලාවත, කොක්කවිල රජයේ විද්‍යාලයේ ස්ථාපිත කර තිබූ එන්නත්කරණ මධ්‍යස්ථානයකින් වයස අවුරුදු 18 ට අඩු පුද්ගලයින්ට එන්නත් ලබාදී ඇති බවට තොරතුරු වාර්තාවනවා.
එහිදී වයස අවුරුදු 12 ක පමණ දරුවන්ටද ප්‍රදේශවාසීන්ට එන්නත්කරණයට රැගෙනවිත් තිබූ ෆයිසර් එන්නත ලබාදී ඇතිබව අප වාර්තාකරු සදහන් කළා.
එමෙන්ම ෆයිසර් එන්නත ලබාගැනීම සඳහා එම ප්‍රදේශයෙන් පිටත ප්‍රදේශවල සිටද පුද්ගලයින් රැසක් පැමිණ ඇති බවද වාර්තා වනවා.
මේ හේතුවෙන් උදෑසන කාලයේ පටන් දිගු පෝලිම්වල රැදී සිටි ප්‍රදේශවාසීන් දැඩි අපහසුතාවයකට පත්ව සිටියා.
වයසින් කුඩා දරුවන්ටද එන්නත ලබාදීම සම්බන්ධයෙන් එම ස්ථානයේ රාජකාරියේ සිටි පොලිස් නිලධාරියෙකු එහි සිටි සෞඛ්‍ය අංශ සාමාජිකාවකගෙන් විමසා සිටි අතර එහිදී ඇය ප්‍රකාශ කළේ වෛද්‍යවරයෙකුගේ නිර්දේශ මත මෙම එන්නත ලබාදෙන බවයි
කෙ‍ෙස් වෙතත් එන්නත්කරණයේදී යම් අක්‍රමිකතාවක් සිදුවී ඇත්නම් ඒ පිළිබඳව පරීක්ෂණයක් සිදුකරන බව මෙම එන්නත්කරණ මධ්‍යස්ථානය භාරව සිටි වෛද්‍ය මිතිල ගමගේ මහතා ප්‍රකාශ කළා.
