මහජනතාව වගකීමෙන් ක්රියා නොකරන්නේ නම් එළඹෙන උත්සව සමයේදී යළිත් සංචරණ සීමා කිරීම් සලකා බලන බව සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා අනතුරු අඟවනවා.
මේ වන විට සති අන්තයේ විනෝද චාරිකා සඳහා යන ඇතැම් පුද්ගලයින් සෞඛ්ය උපදෙස් පිළිපදින්නේ නැති බවට නිරීක්ෂණය වී ඇතැයි ගුණවර්ධන මහතා පෙන්වා දෙනවා.
මේ අතර අනුරාධපුර, අම්පාර, හම්බන්තොට, මාතර සහ ගාල්ල යන දිස්ත්රික්කවල කොවිඩ් රෝගීන්ගේ වැඩිවීමක් දක්නට ලැබෙන බවද වෛද්ය අසේල ගුණවර්ධන මහතා පවසනවා.
පොදු උත්සව, මංගල උත්සව සහ ආගමික වතාවත් සඳහා ජනතාව එක්රැස්වීම හේතුවෙන් වෛරසය සම්ප්රේෂණය වීමේ ප්රතිශතය ඉහළ ගොස් ඇති බවයි ගුණවර්ධන මහතා පවසන්නේ.
සෞඛ්ය සේවා අධ්යක්ෂ ජනරාල්වරයා ජනතාවගෙන් ඉල්ලා සිටින්නේ සති අන්තයේ විනෝද චාරිකා ඇතුළු අනවශ්ය ගමන් බිමන්වලින් වළකින ලෙසයි.