සංචාරකයින් 80,000 කට වැඩි පිරිසක් චීනයේ හෙයිනන් දූපතේ පිහිටි ජනප්‍රිය සංචාරක නගරයක් වන සන්යා නගරය තුළ සිරවී සිටින බව විදෙස් මාධ්‍ය පවසයි.
ඒ කොරෝනා ව්‍යාප්තිය හමුවේ එම නගරය තාවකාලිකව අගුළු දැමීමට බලධාරීන් කටයුතු කිරීමත් සමගයි.
සන්යා නගරයෙන් කොරෝනා ආසාදිතයින් 263 ක් හඳුනා ගැනීමත් සමග එම නගරයේ සිට සිදු කෙරෙන සියලුම ගුවන් ගමන් සහ දුම්රිය ගමන් අවලංගු කිරීමට බලධාරීන් පියවර ගෙන ඇත.
ඒ අනුව නගරයෙන් පිටතට යාමට නම් සන්යා නගරය තුළ සිටින සියලුදෙනා ඉදිරි දින 07 දී කොරෝනා ආසාදිත නොවන බවට පරීක්ෂණ වාර්තා 05 කින් තහවුරු කළ යුතු බව විදෙස් මාධ්‍ය පවසයි.
