නිරෝධායන ඇඳිරි නීතී සමයේ විවෘත කර තිබූ එප්පාවල සුපිරි වෙළඳසැලක කාර්ය මණ්ඩලයේ පුද්ගලයින් හත් දෙනෙකු කොවිඩ් ආසාධිතයින් බවට හදුනාගෙන තිබෙනවා.
මේ හේතුවෙන් ඊයේ (16) පස්වරුවේ සිට එම සුපිරි වෙළඳසැල වසා දමන ලෙස සෞඛ්‍ය අංශ උපදෙස් ලබා දී තිබෙනවා.
නිරෝධායන ඇදිරි නීතිය පැවතියද විවෘත කිරීමට අවසර හිමිව තිබූ සීමාසහිත එප්පාවල විවිධ සේවා සමූපකාර සමිතියට අයත් එප්පාවල කෝප් සිටි ( coop city) සුපිරි වෙළඳසැලෙහි කාර්ය මණ්ඩලයේ අයෙකු රෝග ලක්ෂණ පහළවීම හේතුවෙන් සිදු කළ රැපීඩ් ඇන්ටිජන්ට් පරික්ෂාවකදී ඔහු ආසාදිතයෙක් බවට හදුනාගෙන තිබෙනවා.
පසුව ඊයේ (16) පස්වරුවේ සෙසු සේවකයින් කීප දෙනෙකුටද රැපීඩ් ඇන්ටිජන්ට් පරික්ෂාවක් සිදු කර ඇති අතර, එහිදී එම ආයතනයේ තවත් සේවක සේවිකාවන් 06 දෙනෙකුට කොවිඩ් වෛරසය ආසාධනය වී ඇති බවට තහවුරු වූ බව සෞඛ්‍ය අංශ පවසනවා.
අදාළ වෙළඳසැලෙන් ආසන්නතම දින වල ගණුදෙනු සිදු කළ සියලු පාරිභෝගිකයින් දැඩි සෞඛ්‍ය උපදෙස් පිළිපදිමින් කටයුතු කරන ලෙසත්, යම් රෝග ලක්ෂණයක් පවතින්නේ නම් සෞඛ්‍ය අංශ දැනුම්වත් කරන ලෙසත් සෞඛ්‍ය අංශ ඉල්ලා සිිනවා.
