හෝමාගම – පිටිපන ප්‍රදේශයේ අවමගුල් උත්සවයක් පැවති නිවෙසකින් කොවිඩ් 19 ආසාදිතයන් 25 දෙනකු හඳුනාගෙන තිබෙනවා.
අවමගුල් උත්සවය පැවති මියගිය කාන්තාවගේ PCR පරීක්ෂණයේ වාර්තාව ලැබීමට පෙර දේහය තැන්පත් කිරීම සඳහා නිවස සූදානම් කිරීමට සහභාගී වූ පිරිස මෙලෙස ආසාදිතයන් බවට පත්ව ඇතැයි සෞඛ්‍ය බලධාරීන් සඳහන් කරනවා.
පසුව PCR පරීක්ෂණයේ ප්‍රතිපල ලැබී ඇති අතර ඒ අනුව මිය ගිය කාන්තාව කොවිඩ් 19 ආසාදිතයෙකු බවට හදුනාගෙන තිබෙනවා.
ඒ අනුව සිදුකරන ලද පරීක්ෂණවලදී මෙම පුද්ගලයින් හටද කොවිඩ් ආසාදනය වී ඇති බවටයි හදුනාගෙන ඇත්තේ.
