ඉකුත් සති දෙකක කාලය තුළදී ගාල්ල දිස්ත්‍රික්කයේ පාසල් දරුවන් 64 දෙනෙකුට කොවිඩ් 19 වෛරසය ආසාදනය වී ඇති බවට තහවුරු වී ඇතැයි ගාල්ල දිස්ත්‍රික් ප්‍රාදේශීය වසංගත රෝග විද්‍යාඥ වෛද්‍ය එරංග හෙට්ටිආරච්චි පවසනවා.
වෛද්‍ය එරංග හෙට්ටිආරච්චි මහතා සදහන් කරන්නේ පසුගිය ඔක්තෝබර් 31 වැනිදා සිට නොවැම්බර් 14 වැනි දින දක්වා කාලය තුළදී ගාල්ල දිස්ත්‍රික්කයේ පාසල් 28 ක පාසල් දරුවන් 64 දෙනෙකුට මෙලෙස කොවිඩ් 19 වෛරසය ආසාදනය වී ඇති බවයි.
මේ අතර පාසල් ළමුන් මිලියනයකට ෆයිසර් එන්නත ලබා දී ඇති බව රාජ්‍ය අමාත්‍ය මහාචාර්ය චන්න ජයසුමන පවසනවා.
කෙසේ වෙතත් අනුරාධපුර දිස්ත්‍රික්කයේ සැලකිය යුතු කොවිඩ් ආසාදිතයින් ප්‍රමාණයක් දෛනිකව වාර්තා වන බව සෞඛ්‍ය අංශ නිවේදනය කරනවා.
අනුරාධපුර දිස්ත්‍රික් වසංගත රෝග විද්‍යා වෛද්‍ය ආර්.එම්.රත්නායක මහතා පැවසුවේ පසුගිය සති 2ක තුළ පමණක් කොවිඩ් රෝගීන් 2,000 ඉක්මවා වාර්තා වු බවයි.
ඒ අතර වැඩි වශයෙන් වාර්තා වන්නේ ප්‍රාථමික අංශ සිසුන් සහ ගුරුවරුන් බවද වෛද්‍යවරයා සදහන් කරනවා.
