පොළොන්නරුව දිස්ත්‍රික්කයේ මින්‍නේරිය – සමගිපුර ග්‍රාම සේවා වසමෙි පදිංචි වයස අවුරුදු 3 හමාරක දැරියක් කොවිඩ් 19 වෛරසය ආසාදිතය හදුනාගෙන තිබෙනවා.
යළිත් කොවිඩ් රැල්ල උත්සන්න වූ පසුව මෙතරම් අඩුවයසක දරුවෙක් කොවිඩ් ආසාදිතව සොයාගත් පළමු අවස්ථාවද මෙය වනවා.
එම දරුවාගේ මවටත් මේ වන විට කොවිඩ් 19 වෛරසය ආසාදනය වී ඇති බවය හදුනාගෙන තිබෙනවා.
මේ අතර කුඩා දරුවන්ට කොවිඩ් 19 වෛරසය ආසාදනය වීමේ වැඩි ප්‍රවණතාවක් දැකිය හැකි බැවින් ඒ සම්බන්ධයෙන් ප්‍රවේසම්කාරී විය යුතු බව වසංගත රෝග විද්‍යා ඒකකය පවසනවා.
එහි ප්‍රධානී විශේෂඥ වෛද්‍ය සුදත් සමරවීර මහතා පවසන්නේ ගැබිණි මව්වරුන්ට මෙම වෛරසය ආසාදනය වුවහොත් සංකූලතා ඇතිවීමේ අවදානමක්ද පවතින බවයි.
නිරෝධායන මධ්‍යස්ථානවලින් මෙන්ම රෝග ලක්ෂණ සහිතව රෝහල්වලට පැමිණෙන පිරිස් අතරින්ද මේවනවිට කොවිඩ් ආසාදිතයින් හඳුනා ගැනෙන බැවින් ජනතාව සෞඛ්‍යාරක්ෂිත ක්‍රමවේද අනුගමනය කිරීම අනිවාර්යය බවයි විශේෂඥ වෛද්‍ය සුදත් සමරවීර වැඩිදුරටත් පෙන්වා දෙන්නේ.
