සුපිරි ටෙනිස් ක්රීඩක ස්පාඤ්ඤ ජාතික රෆායල් නඩාල් හට කොවිඩ් 19 වෛරසය ආසාදනය වී ඇති බවට ඔහු සිය ට්විටර් ගිණුමේ සටහනක් තබමින් පවසනවා.
රෆායල් නඩාල් අබුඩාබි විවෘත ටෙනිස් තරඟාවලිය සඳහා සහභාගීවී යළිත් සිය රට වෙත පසුගියදා පැමිණි අතර එරටදී සිදුකරන ලද PCR පරීක්ෂණයකින් ඔහු කොවිඩ් 19 ආසාදිතයෙකු බවට හදුනාගෙන තිබෙනවා.
ඉන් අනතුරුව ඔහු සිය ට්විටර් ගිණුමේ සටහනක් තබමින් තමන් කොවිඩ් ආසාදිතයෙකු බවත් ඔහුගේ සමීපතමයන් මේ පණිවුඩය හරහා දැනුවත් කර සිටින බවත් සඳහන් කර තිබුණා.
රෆායල් නඩාල් අබුඩාබි විවෘත ටෙනිස් තරඟාවලියේ අවසන් පූර්ව වටයේ තරඟයේදී බ්රිතානයේ ඇන්ඩි මරේ හමුවේ පරාජයට පත් වුණා.
ඒ හේතුවෙන් නඩාල් හට එම තරඟාවලියෙන් ඉවත්ව යෑමට සිදුවීම නිසා ඔහු යළිත් සිය රටට පැමිණ තිබෙනවා.