අපවත්වී වදාළ කැලණිය විශ්වවිද්‍යාලයේ කුලපති, පෑලියගොඩ විද්‍යාලංකාර පරිවේනාධිපති අග්ගමහා පණ්ඩිත ආචාර්ය පූජ්‍ය වැලමිටියාවේ කුසලධම්ම හිමියන්ගේ අදාහන පූජෝත්සවය පූර්ණ රාජ්‍ය අනුග්‍රහය සහිතව එළැඹෙන ඉරිදා (31) සිදුකිරීමට නියමිත බවට රජය නිවේදනය කරනවා.
ඒ අනුව 27 වනදා රාත්‍රියේ අපවත්වූ උන්වහන්සේගේ දේහය දින 4 කින් අනතුරුව අදාහනය කිරීමට නියමිතයි.
කෙසේ වෙතත් පවත්නා කොවිඩ් වසංගත තත්ත්වය සඳහා සෞඛ්‍ය අමාත්‍යාංශය නිකුත් කරන ලද නව සෞඛ්‍ය මාර්ගෝපදේශයන්ට අනුව කොවිඩ් ආසාදිත නොවන මෘත දේහයක් මළ සිරුර මුදා හැර පැය 24 ක් අවමංගල්‍ය කටයුතු සිදුකල යුතු වනවා.
එමෙන්ම එම අවමඟුල් උත්සවයේ සිටිය හැකි පුද්ගලයින් සංඛ්‍යාව ලෙස සෞඛ්‍ය සේවා අධ්‍යාක්ෂ ජනරාල්වරයා නිවේදනය කර ඇත්තේ පුද්ගලයින් 20 දෙනෙකු පමණයි.
මේ අනුව කොවිඩ් ආසාදිත අපවත්වීමක් නොවන වැලමිටියාවේ කුසලධම්ම නාහිමියන්ගේ ආදාහන පූජෝත්සවය දින 4 කට පසුව රාජ්‍ය ගෞරවද සහිතව පවත්වමින් සෞඛ්‍ය මාර්ගෝපදේශ ගණනකට නොගන්නා තත්ත්වයක් රජය විසින්ම ඇතිකර තිබෙනවා.
මේ අතර පසුගියදා අතිවිශේෂ ගැසට් නිවේදනයක් නිකුත් කරමින් ජනාධිපති ගෝඨාභය රාජපක්ෂ මහතා ‘එක රටක් – එක නීතියක්’ සඳහා වූ ජනාධිපති කාර්ය සාධක බලකායක්ද පිහිටවනු ලැබූවා.
