ගෑස්මිල ඉහළයෑම හේතුවෙන් මෘතදේහ ආදාහනය කිරීමේ ගාස්තු ඉහළ දැමීමේ පුවතක් කුරුණෑගලින් වාර්තාවනවා.
ඒ අනුව මෘතදේහ ආදාහන කිරීම සඳහා මුදල් අයකරන ආදාහනාගාරවල ගාස්තු සංශෝධනය කිරීමට කුලියාපිටිය නගර සභාව තීරණය කර තිබෙනවා.
වෙළෙඳපොළේ ගෑස්මිල ඉහළයෑමත් සමඟ එහි පාඩුව නගර සභාවට දරාගත නොහැකි බැවින් අදාළ තීරණය ගෙන ඇති බවටයි තොරතුරු වාර්තා වන්නේ.
ඒ අනුව කුලියාපිටිය නාගරික හා ප්‍රාදේශීය සභා බලප්‍රදේශයේ පදිංචිකරුවන් සඳහා මෘත දේහයක් ආදාහනය කිරීම සදහා පැවති රුපියල් 8000 ගාස්තුව සංශෝධනය කරමින් එහි නව ගාස්තුව ලෙස රුපියල් 10,000 ක මුදලක් නියම කර තිබෙනවා.
එමෙන්ම කුලියාපිටිය නාගරික හා ප්‍රාදේශීය සභා බලප්‍රදේශයෙන් බැහැර පුද්ගලයන්ගේ මෘත දේහයක් ආදාහනය කිරීමට මීට පෙර ලබාගත් රුපියල් 9000 මුදල රුපියල් 11,000 දක්වා ඉහළ දමා ඇති බවයි වාර්තා වන්නේ.
