හෙරොයින් ග්රෑම් 2.7 ක් ළඟ තබා ගැනීම හේතුවෙන් සිරගත වූ තරුණ ක්රිකට් ක්රීඩකයෙකු වූ ශෙහාන් මධුශංක අද දින බිනර පොහොය නිමිත්තෙන් නිදහස් කොට ඇති බව වාර්තා වෙනවා.
පන්දු යවන්නන් අතරේ විශිෂ්ටයකු වූ ඔහු 2018 වර්ෂයේ දී පැවති තරගයක දී කඩුලු ත්රිත්වයක් ලබා හොදම පන්දුයවන්නා ලෙස කුසලානයකටද හිමිකම් ලැබුවා.
2020 වර්ෂයේදී පන්නල පොලිසිය වෙත ලද පැමිණිල්ලකට අනුව පන්නල කූඩලු පොත්ත යන ප්රදේශයේ දී ඔහුට අයත් වාහනය පරීක්ෂා කිරීමේදී එහි තිබී හෙරොයින් ග්රෑම් 2.7 ක් සොයා ගැනීමට පන්නල දූෂණ මර්දන ඒකකයේ නිලධාරීන්හට හැකි වුණා.
ඔහු කලක සිට හෙරොයින් මත්ද්රව්ය වලට ඇබ්බැහිවූවකු බවයි පසුව අනාවරණය වී තිබුණේ.
ඒ අනුව, ශෙහාන් මධුශංකට සියලුම වර්ගයේ ක්රිකට් තරඟ තහනමක් පැණවීමට ද ශ්රී ලංකා ක්රිකට් ආයතනය කටයුතු කළා.
ඒ ක්රිකට් ක්රීඩාවට, ක්රිකට් ආයතනයට මෙන්ම ක්රීඩකයින්ට ද අපකීර්තියක් ඇතිවන ආකාරයෙන් කටයුතු කළේ යැයි යන චෝදනාව මතයි.