ඊයේ දින ජනාධිපති නිවස ඉදිරිපිට සිදුවූ විරෝධතාවය ආදී විරෝධතා වලින් රටේ අර්බුදයට විසඳුම් නොලැබෙන බව සංචාරක අමාත්‍ය ප්‍රසන්න රණතුංග මහතා පවසනවා.
ඒ, අද (01) පැවති මාධ්‍ය හමුවක් අමතමින්.
ඒ හරහා ගැටළු විසඳෙන්නේ නම් තමන් ද ඊට එක් වන බවයි ඔහු පවසන්නේ.
බිඳ වැටී තිබූ සංචාරක කර්මාන්තය කෙටි කලක් තුල නැවත නැගී සිටිමින් තිබූ බවත් ඒ හරහා රටට විදේශ විනිමය ලැබීම නැවැත්වීමේ විපක්ෂයේ අවශ්‍යතාවය මෙවැනි විරෝධතා වලට හේතුවී ඇති බවත් අමාත්‍යවරයා පවසනවා.
“අපි දන්නවා රටේ අර්බුදයක් තියෙනවා. මේවා අපිම කරපු පවු නෙවෙයි. නිදහසෙන් පසු පත් වෙච්ච සෑම රජයකින්ම වෙච්ච දේවල් එක්ක රට මේ තත්වයට පත් වෙලා තියෙනවා.” යැයි අමාත්‍යවරයා පවසනවා.
